បាត់ដំបង៖ ខណៈក្រុងបាត់ដំបង កំពុងកាន់កាប់ផ្ការំដួល៣ទង ពីរាជរដ្ឋាភិបាល ដោយចាត់ទុកថាជាទីក្រុងស្អាត ដើម្បីកុំឲ្យបាត់បង់នូវមុខដំណែងនេះ លោក ណុប ដារ៉ា អភិបាលរងខេត្តបាត់ដំបង បានជំរុញទៅអាជ្ញាធរក្រុង និងក្រុមហ៊ុនស៊ិនទ្រី ត្រូវបង្កើនការប្រមូលសំរាមឲ្យបានស្អាតគ្រប់ទីកន្លែង និងកុំឲ្យមានការរិះគន់ពីមហាជន។
ក្នុងកិច្ចប្រជុំពិភាក្សាពីបញ្ហាប្រឈម លើការប្រមូលសំរាម ក្នុងក្រុងបាត់ដំបង នៅថ្ងៃទី២២ ខែកញ្ញា ឆ្នាំ២០២០ លោក ណុប ដារ៉ា ខេត្តបាត់ដំបង ជាខេត្តដែលបានទទួលពានរង្វាន់ទីក្រុងស្អាតជាងគេ ហើយពិន្ទុខ្ពស់ទៀតផងនាពេលកន្លងមក ដូច្នេះត្រូវរួមគ្នារក្សា ពានរង្វាន់មួយនេះឲ្យនៅខេត្តនេះបន្តទៀត។
តំណាងក្រុមហ៊ុនស៊ិនទ្រី បានសន្យាថានឹងដោះស្រាយបញ្ហាសំរាមដែលបាន លើកឡើងក្នុងអង្គប្រជុំនេះឲ្យបានក្នុងរយ:ពេល ១៥ថ្ងៃ រាប់ចាប់ពីថ្ងៃប្រជុំនេះទៅ នាភូមិសាស្ត្រ ដែលក្រុមហ៊ុនទទួលខុសត្រូវ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
