សារព័ត៌មាន Jerusalem Post បានសរសេរដោយដកស្រង់សម្តីមន្ត្រីអ៊ីស្រាអែលដែលមិនបញ្ចេញឈ្មោះថា អ៊ីស្រាអែល ទំនងជាបោះបង់ចោលគំនិតនៃការវាយលុកទីតាំងនុយក្លេអ៊ែរ ក្នុងប្រទេសអ៊ីរ៉ង់ ដែលជាផ្នែកមួយនៃការសងសឹករបស់ខ្លួនចំពោះការវាយប្រហារដោយមីស៊ីលចុងក្រោយបង្អស់របស់អ៊ីរ៉ង់ ព្រោះប្រទេសនេះ ព្រួយបារម្ភថា នឹងមានជម្លោះយោធាពេញទំហឹងជាមួយទីក្រុងតេអេរ៉ង់។

តាមគំនិតរបស់ពួកគេ ការវាយប្រហារលើទីតាំងនុយក្លេអ៊ែរអ៊ីរ៉ង់ នឹងបង្កឲ្យមានសង្គ្រាមអ៊ីស្រាអែល-អ៊ីរ៉ង់ក្នុងតំបន់ ដែល«អាចរំខាន និងធ្វើឲ្យខូចសមត្ថភាពរបស់ទីក្រុងហ្ស៊េរុយសាឡឹម ក្នុងការកម្ទេចក្រុមហាម៉ាស» និង «សម្រេចបាននូវស្ថានភាពកាន់តែមានសុវត្ថិភាព» ជាមួយក្រុមហេសបូឡា។

សារព័ត៌មាននេះ និយាយថា ការវាយប្រហារលើកម្មវិធីនុយក្លេអ៊ែររបស់អ៊ីរ៉ង់ នឹងមិនចាំបាច់ស្របទៅនឹង   «គោលដៅនៃសង្គ្រាម» ដែលកំណត់ដោយគណៈរដ្ឋមន្ត្រីសន្តិសុខរបស់លោកនាយករដ្ឋមន្ត្រី បេនចាមីន ណេតាន់យ៉ាហ៊ូនោះទេ។

ប្រភពអ៊ីស្រាអែល ត្រូវបានដកស្រង់សម្តីដោយនិយាយថា ការវាយប្រហារសងសឹករបស់អ៊ីស្រាអែល អាចផ្តោតលើគោលដៅយោធា និងចារកម្មផ្សេងៗ នៅក្នុងប្រទេសអ៊ីរ៉ង់ ហើយនឹងផ្លាស់ប្តូរស្ថានភាពវាយប្រហារក្នុងកម្រិតមធ្យម។