សហភាពអឺរ៉ុប(EU)បានអនុម័តយន្តការថ្មីនៃទណ្ឌកម្មប្រឆាំងនឹងរុស្ស៊ីសម្រាប់ការចោទប្រកាន់ថា បានធ្វើ«សកម្មភាពចម្រុះ » និងការជ្រៀតជ្រែកក្នុងការបោះឆ្នោត នៅបរទេស។ នេះបើយោងតាមសេចក្តីសម្រេច របស់ក្រុមប្រឹក្សាសហភាពអឺរ៉ុប។

ឯកសារនោះ បានបញ្ជាក់ថា៖«ថ្ងៃនេះ ក្រុមប្រឹក្សា បានបង្កើតក្របខណ្ឌថ្មីមួយសម្រាប់វិធានការរឹតត្បិត»។

ឯកសារដដែល បានបន្ថែមថា យន្តការនេះ មានគោលបំណងប្រឆាំងនឹង «សកម្មភាពអស្ថិរភាពរបស់រុស្ស៊ីនៅបរទេស»។ ការរឹតបន្តឹង នឹងត្រូវបានដាក់សម្រាប់ការជ្រៀតជ្រែកក្នុងការបោះឆ្នោត និង «សកម្មភាពកូនកាត់» ដែលធ្វើឲ្យខូចដល់តម្លៃជាមូលដ្ឋានរបស់ EU និងរដ្ឋសមាជិករបស់ខ្លួន សន្តិសុខ ឯករាជ្យភាព និងសុចរិតភាពរបស់ពួកគេ ព្រមទាំងអង្គការអន្តរជាតិ និងប្រទេសទី៣»។

ការដាក់ទណ្ឌកម្មនេះ បានបង្ហើញពីការបង្កើតបញ្ជីខ្មៅមួយផ្សេងទៀតនៃបុគ្គល និងនីតិបុគ្គល ដែលទ្រព្យសម្បត្តិរបស់ពួកគេ ត្រូវរារាំងនៅក្នុងយុត្តាធិការអឺរ៉ុប។ បុគ្គលក៏នឹងត្រូវហាមឃាត់មិនឲ្យចូលសហភាពអឺរ៉ុបដែរ។ ជាទូទៅ ទណ្ឌកម្មទាំងនេះ មិនខុសពីទណ្ឌកម្មអឺរ៉ុប ដែលបានដាក់លើរុស្ស៊ីពីមុននោះទេ។ ការសម្រេចចិត្តលើអ្វីដែលត្រូវពិចារណាលើ «សកម្មភាពចម្រុះ» និង «ការជ្រៀតជ្រែក» នឹងត្រូវបានធ្វើឡើងផ្តាច់មុខដោយក្រុមប្រឹក្សា EU លើសំណើរបស់សមាជិក EU ឬសេវាកម្មគោលនយោបាយការបរទេសរបស់ខ្លួន។