ក្រុមអាជ្ញាធរការបរទេសឈីលី បានមកទទួលពលរដ្ឋឈីលី ៦៧នាក់ និងក្រុមគ្រួសាររបស់ពួកគេ ក៏ដូចជាពលរដ្ឋប៉េរូ និងអាហ្សង់ទីន ដែលត្រូវបានជម្លៀសចេញពីប្រទេសលីបង់ ក្រោយការវាយប្រហាររបស់អ៊ីស្រាអែល ។

យន្តហោះ Boeing B-767 Airforce បានចាកចេញពីទីក្រុង Santiago ឆ្ពោះទៅកាន់ទីក្រុង Beirut កាលពីថ្ងៃអាទិត្យ ដឹកជំនួយមនុស្សធម៌ ដែលភាគច្រើនជាជំនួយឱសថ និងគ្រឿងវេជ្ជសាស្រ្ត ដែលបរិច្ចាគដោយរដ្ឋាភិបាលឈីលី និងសហគមន៍លីបង់នៅឈីលី ។

អ្នកជម្លៀសខ្លួន ទទួលបានការស្វាគមន៍ពីអនុរដ្ឋមន្រ្តីការបរទេសឈីលីលោកស្រី Gloria de la Fuente មុនពេលឆ្លងកាត់ការត្រួតពិនិត្យអន្តោប្រវេសន៍ ។

អំឡុងសុន្ទរកថានៅមហាសន្និបាតអង្គការសហប្រជាជាតិ(UN)ប្រធានាធិបតីឈីលី លោក Gabriel Boric និយាយរិះគន់ខ្លាំងដល់នាយករដ្ឋមន្រ្តីអ៊ីស្រាអែលលោក Benjamin Netanyahu និងបានចោទប្រកាន់អ៊ីស្រាអែលពីទង្វើប្រល័យពូជសាសន៍ ៕