អំឡុងសសុន្ទរកថាទៅកាន់សភានាថ្ងៃពុធនេះ នៅទីក្រុង Madrid នាយករដ្ឋមន្រ្តីអេស្ប៉ាញលោក Pedro Sanchez បាននិយាយថា លោកនឹងស្នើសុំសហភាពអឺរ៉ុប(EU)នូវកិច្ចព្រមព្រៀងអន្តោប្រវេសន៍ ។

 លោកនិយាយថា លោកចង់ឲ្យកិច្ចព្រមព្រៀងមួយនេះ អនុវត្តនៅរដូវក្តៅឆ្នាំ ២០២៥ ជាជាងនៅឆ្នាំ ២០២៦ ដើម្បីធ្វើឲ្យល្អប្រសើរឡើងការគ្រប់គ្រងព្រំដែន និងការចែករំលែកជនអន្តោប្រវេសន៍ ។

 លើបញ្ហាប្រឈមក្នុងស្រុក លោក Sanchez ដាក់ចេញការការពារដ៏រឹងមាំលើការធ្វើអន្តោប្រវេសន៍ ហើយអត្ថប្រយោជន៍សេដ្ឋកិច្ចរបស់ខ្លួន ស្របពេលដែលលោកប្រកាសកញ្ចប់វិធានការធ្វើឲ្យវាកាន់តែងាយស្រួលក្នុងការដោះស្រាយបញ្ហាអន្តោប្រវេសន៍នៅប្រទេសអេស្ប៉ាញ ។

 អេស្ប៉ាញបានតស៊ូមតិ ដើម្បីគាំទ្រអន្តោប្រវេសន៍ បើទោះបីជារដ្ឋាភិបាលផ្សេងទៀតនៅក្នុងតំបន់ដូចជាអាល្លឺម៉ង់ និងអ៊ីតាលីសុទ្ធតែបិទព្រំដែនរបស់ពួកគេក៏ដោយ ។

 អាល្លឺម៉ង់ បានណែនាំឲ្យមានការត្រួតពិនិត្យតាមព្រំដែនបណ្តោះអាសន្នកាលពីខែមុន ខណៈដែលបារាំងនិយាយថា ពួកគេនឹងពិចារណាលើវិធានការស្រដៀងគ្នានេះ ។

 លោក Sanchez និយាយនៅក្នុងសុន្ទរកថាសភារបស់លោកថា វាមិនត្រឹមតែជាសំនួរនៃមនុស្សធម៌ប៉ុណ្ណោះទេ វាចាំបាច់ផងដែរសម្រាប់វិបុលភាពសេដ្ឋកិច្ចរបស់ពួកគេ និងនិរន្តរភាពរដ្ឋមានសុខុមាលភាពរបស់ពួកយើង ៕