អនុរដ្ឋមន្ត្រីសុខាភិបាលលោក Pavel Alimenko បានប្រាប់អ្នកយកព័ត៌មាន ក្នុងអំឡុងសន្និសីទមួយថា ចំនួនជនរងគ្រោះពីការវាយប្រហារទ្រង់ទ្រាយធំរបស់អ៊ុយក្រែន លើតំបន់ព្រំដែននៃតំបន់ឃើស ( Kursk) បានកើនឡើងដល់ ៣០៨នាក់ ក្នុងនោះមានកុមារ ១១នាក់។

លោកបាននិយាយថា៖«យោងតាមតួលេខចុងក្រោយនេះ ជនស៊ីវិល ៣០៨ នាក់ ក្នុងនោះមានកុមារ ១១នាក់ បានរងរបួស ដោយសារតែការបាញ់ផ្លោង នៅក្នុងតំបន់ឃើស។ បច្ចុប្បន្ននេះ អ្នកជំងឺ ២៣នាក់ក្នុងនោះមានកុមារម្នាក់ កំពុងទទួលការព្យាបាលនៅក្នុងមន្ទីរពេទ្យ។ ពួកគេទាំងអស់ ត្រូវបានផ្តល់ការថែទាំ វេជ្ជសាស្រ្តដ៏ចាំបាច់។

មុននេះ អាជ្ញាធរ បានរាយការណ៍ថា មនុស្ស ២៧៨នាក់ បានរងរបួសនៅក្នុងការវាយប្រហារដោយអ៊ុយក្រែន ដោយ ២៦នាក់ ត្រូវបានបញ្ជូនទៅមន្ទីរពេទ្យ។ អនុរដ្ឋមន្រ្តីក្រសួងសុខាភិបាល បានកត់សម្គាល់ថាតំបន់នេះ មានមជ្ឈមណ្ឌលស្នាក់នៅបណ្តោះអាសន្នជាង ១០០ ដែលមានមនុស្សជាង ៨.000នាក់ រួមទាំងកុមារជាង ១.៥០០នាក់ កំពុងស្នាក់នៅ។

យោងតាម Alimenkoបានឲ្យដឹងថា តំបន់នេះ មានកន្លែងស្នាក់នៅគ្រប់គ្រាន់ ឱសថ ការផ្គត់ផ្គង់វេជ្ជសាស្រ្ត និងទំនិញជាមូលដ្ឋាន។ ក្រុមបុគ្គលិកពេទ្យពីមជ្ឈមណ្ឌលវេជ្ជសាស្ត្រគ្រោះមហន្តរាយទាំងអស់របស់រុស្ស៊ី រួមជាមួយនឹងកងពលតូចរថយន្តសង្គ្រោះបន្ថែមបន្តការងាររបស់ពួកគេ។ លោក Alimenko បានបន្ថែមថា៖«មនុស្សពេញវ័យជាង ៤.000 នាក់ និងកុមារ ៤៧១នាក់ មកពីប្រភេទពលរដ្ឋដែលមានសិទ្ធិទទួលបានថ្នាំពេទ្យក្នុងអំឡុងពេលនេះ»។