ប៉ុន្មានថ្ងៃបន្ទាប់ពីព្យុះសង្ឃរាមីលតុន(Milton)បានបោកបក់ចូលរដ្ឋ Florida ជាព្យុះប្រភេទទី ៣ មានកម្លាំងខ្យល់បក់បោកជាង១០០ ម៉ាយក្នុងមួយម៉ោង ដែលជាការកើនឡើងនៃព្យុះជិតដល់កំណត់ត្រា និងព្យុះកំបុតត្បូងជាប្រវត្តិសាស្ត្រ ព្យុះនេះបានធ្វើឱ្យមនុស្សជិត ៤ លាននាក់គ្មានថាមពលអគ្គិសនីប្រើប្រាស់ ខណៈកិច្ចខិតខំប្រឹងប្រែងសង្គ្រោះនៅតែបន្ត ហើយបច្ចុប្បន្នមនុស្សជាង១លាននាក់គ្មានអគ្គិសនីប្រើប្រាស់។   

មន្ត្រីបាននិយាយថា ចំនួនអ្នកស្លាប់ដោយសារព្យុះនេះបានឡើងដល់២៣នាក់គិតត្រឹមរសៀលថ្ងៃសៅរ៍ ភាគច្រើននៃជនរងគ្រោះបណ្ដាលមកពីព្យុះកំបុតត្បូងដ៏ខ្លាំងក្លា ដែលបានបោកបក់ទូទាំងរដ្ឋនេះ មុនការវាយប្រហារពេញទំហឹងរបស់ព្យុះសង្ឃរា Milton ។ 

មនុស្សយ៉ាងហោចណាស់ពីរនាក់បានស្លាប់ដោយសារដើមឈើរលំលើ។

ខណៈពេលប្រជាពលរដ្ឋនៅក្នុងសហគមន៍មួយចំនួនបានប៉ាន់ប្រមាណពីការខូចខាត និងសម្អាតសំណល់ពីព្យុះនៅតាមឆ្នេរសមុទ្រទាំងពីរនោះ ការដាច់ចរន្តអគ្គិសនីនៅតែបន្តកើតមានបន្ថែមទៀត។ 

ទាហានរាប់ម៉ឺននាក់ត្រូវបានបញ្ជូនទៅកាន់រដ្ឋនោះ ដោយបានស្ដារឡើងវិញនូវបណ្ដាញថាមពលអគ្គិសនីដល់អតិថិជនជាង ២ លាននាក់ ចាប់តាំងពីព្យុះMiltonបានវាយប្រហារ កាលពីថ្ងៃពុធ៕