អ្នកនយោបាយគណបក្សសមាជជាតិនិយម (Nationalist Congress Party) របស់ប្រទេសឥណ្ឌា លោក   សាបា ស៊ីដឌីក (Baba Siddique) បានទទួលមរណភាពហើយ បន្ទាប់ពីរូបលោកត្រូវបានបាញ់សម្លាប់នៅទីក្រុង ម៉ុមបៃ (Mumbai) កាលពីថ្ងៃសៅរ៍ ១២ តុលា។

យោងតាមនគរបាលក្នុងតំបន់ ក្រុមជនមិនស្គាល់អត្តសញ្ញាណបានបាញ់ប្រហារលើរថយន្តរបស់លោកនៅម៉ោងប្រហែល ៩ និង ៣០ នាទីយប់ ម៉ោងនៅប្រទេសឥណ្ឌា។ 

ក្រោយកើតហេតុមនុស្ស២នាក់ ត្រូវបានចាប់ខ្លួន ខណៈបុរសជនល្មើសទី៣កំពុងរត់គេចខ្លួន។

លោក ស៊ីដឌីក ត្រូវបានបញ្ជូនទៅកាន់មន្ទីរពេទ្យ និង មជ្ឈមណ្ឌស្រាវជ្រាវ លីឡាវ៉ាទី ភ្លាមៗ ទីដែលមនុស្សរាប់រយនាក់បានប្រមូលផ្តុំគ្នាបន្ទាប់ពីឧបទ្ទវហេតុនេះ។ ក្រោយមកសាកសពរបស់លោកត្រូវបានបញ្ជូនទៅមន្ទីរពេទ្យក្រុងដើម្បីពិនិត្យសាកសព។

មេបក្សប្រឆាំង ដែលជាអ្នកនយោបាយជើងចាស់ និងជាអតីតរដ្ឋមន្ត្រីប្រចាំរដ្ឋមហារាស្ត្រ ( Maharashtra) ជាសមាជិកនៃសមាជជាតិឥណ្ឌាពីឆ្នាំ ១៩៧៧ មុនពេលចូលរួមជាមួយគណបក្សសមាជជាតិនិយមក្នុងខែកុម្ភៈ ឆ្នាំ ២០២៤៕