ក្រសួងសុខភាពសាធារណៈលីបង់ បានរាយការណ៍ថា មនុស្សចំនួន ២.៣០៦នាក់ ត្រូវបានសម្លាប់ ខណៈដែល ១០.៦៩៨នាក់ បានរងរបួស ចាប់តាំងពីការឈ្លានពានរបស់«អ៊ីស្រាអែល« លើប្រទេសលីបង់ដែលបានចាប់ផ្តើម នៅថ្ងៃទី ៨ ខែតុលា ឆ្នាំ ២០២៣។

ក្រសួងបាននិយាយលម្អិតថា កងកម្លាំងគ្រប់គ្រងរបស់អ៊ីស្រាអែល បានសម្លាប់មនុស្សចំនួន ៥១នាក់ និងរបួស ១៧៤នាក់ទៀត នៅក្នុងការឈ្លានពានរបស់ខ្លួន កាលពីម្សិលមិញ។

ក្រសួងសុខាភិបាលនៅតបន់ហ្កាហ្សា ក៏បានប្រកាសនៅក្នុងរបាយការណ៍ប្រចាំថ្ងៃរបស់ខ្លួនថា គិតត្រឹមថ្ងៃទី៣៧៣នៃសង្រ្គាមរបស់អ៊ីស្រាអែលនៅលើតំបន់ហ្កាហ្សា ចំនួនប្រជាជនប៉ាឡេស្ទីនសរុបដែលត្រូវបានសម្លាប់ដោយកងកម្លាំងគ្រប់គ្រងរបស់អ៊ីស្រាអែល (IOF) ដោយមិនរើសមុខ និងដោយចេតនា បានកើនឡើងដល់ ៤២.២២៧នាក់ និងរងរបួសចំនួន ៩៨.៤៦៤នាក់។

ក្នុងរយៈពេល ២៤ម៉ោង កងកម្លាំងគ្រប់គ្រងរបស់អ៊ីស្រាអែល បានធ្វើការសម្លាប់រង្គាលចំនួនទៅលើ គ្រួសារមួយចំនួន នៅតំបន់ហ្កាហ្សាស្ទ្រីប ដោយបានសម្លាប់មនុស្ស ៥២នាក់ និងរបួស ១២៨នាក់។

នៅក្នុងសេចក្តីថ្លែងការណ៍មួយ ការិយាល័យប្រព័ន្ធផ្សព្វផ្សាយរដ្ឋាភិបាលនៅទីក្រុងហ្កាហ្សា បាននិយាយថា កងកម្លាំងគ្រប់គ្រងនេះ កំពុងរារាំងក្រុមគ្រូពេទ្យ និងការពារជនស៊ីវិល មិនឲ្យទាញយកសាកសព រាប់សិបនាក់ចេញពីផ្លូវនានា។ កងកម្លាំងគ្រប់គ្រងរបស់អ៊ីស្រាអែល (IOF) នៅតែធ្វើការយ៉ាងសកម្ម ដើម្បីបំផ្លាញប្រព័ន្ធថែទាំសុខភាព និងមន្ទីរពេទ្យនៅតំបន់ហ្កហ្សា ក្នុងលក្ខណៈចេតនា ជាប្រព័ន្ធនិងមានផែនការច្បាស់លាស់។