ការស្ទង់មតិជាបន្តបន្ទាប់ បានបង្ហាញថា លោកស្រី Kamala Harris កំពុងធ្លាក់ប្រជាប្រិយភាពជាង លោក Donald Trump ក្នុងរយៈពេលមិនដល់មួយខែផង ដល់ការបោះឆ្នោតជ្រើសរើសប្រធានាធិបតីសហរដ្ឋអាមេរិកហើយនោះ។

ការនាំមុខរបស់លោកស្រី Harris លើលោក Trump បានតិចតួច ឬបាត់ទៅវិញ នៅពេលដែលការប្រកួតប្រជែងសម្រាប់តំណែងសេតវិមាន ខិតជិតឈានដល់ដំណាក់កាលចុងក្រោយហើយនោះ។ នេះបើយោងតាមការស្ទង់មតិចំនួនបីដែលបានចេញផ្សាយ កាលពីថ្ងៃអាទិត្យ។

នៅក្នុងការស្ទង់មតិរបស់សារព័ត៌មាន NBC News ចុងក្រោយនេះ បេក្ខភាពមកពីគណបក្សប្រជាធិបតេយ្យ និងគណបក្សសាធារណរដ្ឋ ត្រូវបានជាប់ឆ្នោតថ្នាក់ជាតិនៅ ៤៨ភាគរយ មុនការបោះឆ្នោតថ្ងៃទី ០៥ ខែវិច្ឆិកា ដែលជាការប្រែប្រួលពីការនាំមុខ ៥ពិន្ទុសម្រាប់លោកស្រី Harris នៅក្នុងការស្ទង់មតិដូចគ្នា កាលពីខែមុន។

នៅក្នុងការស្ទង់មតិចុងក្រោយរបស់សារព័ត៌មាន ABC News/Ipsos លោកស្រី Harris នាំមុខ ៥០ភាគរយ ទល់នឹង៤៨ភាគរយ ក្នុងចំណោមអ្នកបោះឆ្នោត។ គណបក្សប្រជាធិបតេយ្យ បាននាំមុខ ៥០ភាគរយ ទល់នឹង៤៦ភាគរយ នៅក្នុងការស្ទង់មតិ ដូចគ្នាកាលពីខែមុន។

ការស្ទង់មតិចុងក្រោយរបស់សារព័ត៌មាន CBS News/YouGov បង្ហាញថា លោកស្រី Harris កើនឡើង ៥១ភាគរយ ទល់នឹង ៤៨ភាគរយ ក្នុងចំណោមអ្នកបោះឆ្នោត បើធៀបនឹងផលប្រយោជន៍ទទួលបាន ៤ពិន្ទុ កាលពីខែមុន។

បន្ទាប់ពីតួលេខចុងក្រោយនេះ លោកស្រី Harris ទទួលបានពិន្ទុនាំមុខ ១,៤ ភាគរយ នៅក្នុងការស្ទង់មតិសរុបរបស់ Real Clear Polling ដោយធ្លាក់ចុះពី ២,២ភាគរយ កាលពីថ្ងៃសៅរ៍។

ចំនួននៃការស្ទង់មតិកាន់តែតឹងតែង កើតឡើង ចំពេលមានការព្រួយបារម្ភក្នុងចំណោមអ្នកប្រជាធិបតេយ្យដែលថា លោកស្រី Harris កំពុងខកខានក្នុងការទទួលបានការគាំទ្រក្នុងចំណោមជនជាតិអាមេរិកដើមកំណើតអេស្ប៉ាញ និងជនជាតិអាមេរិកដើមកំណើតអាហ្វ្រិក ដែលជាអ្នកបោះឆ្នោតសំខាន់ៗរបស់គណបក្សទាំងពីរ។