ក្រុមអាជ្ញាធរ បាននិយាយ កាលពីថ្ងៃចន្ទថា យោធារបស់ប្រទេសម៉ិកស៊ិក បានដាក់ពង្រាយទាហានបន្ថែមចំនួន៤០០នាក់ទៅកាន់រដ្ឋ Sinaloa ដែលរងគ្រោះដោយអំពើហិង្សា កាលពីចុងសប្តាហ៍។

វីដេអូ ដែលចេញផ្សាយដោយយោធា បានបង្ហាញសមាជិកកងទ័ព និងឆ្មាំជាតិ ដើរល្បាតតាមដងផ្លូវនៅទីក្រុង Culiacan។

រដ្ឋាភិបាលរបស់ប្រធានាធិបតី លោកស្រី ក្លៅឌៀ សេនបោម(Claudia Sheinbaum) កាលពីពេលថ្មីៗនេះ បានបង្ហាញផែនការរបស់ខ្លួនក្នុងការប្រយុទ្ធប្រឆាំងឧក្រិដ្ឋកម្ម ដោយផ្តោតលើការពង្រឹងឆ្មាំជាតិ និងការប្រមូលព័ត៌មានការស៊ើបការណ៍សម្ងាត់ ដើម្បីកាត់បន្ថយចំនួនឃាតកម្ម ការចាប់ជំរិត និងការជំរិតទារប្រាក់ នៅក្នុងប្រទេសប្រេស៊ីល។

ជម្លោះ ដែលនៅតែបន្តនៅក្នុងរដ្ឋ Sinaloa របស់ក្រុមជនអន្ធពាល បានបណ្តាលឱ្យមនុស្សស្លាប់ជាង១៥០ នាក់ ក្នុងប៉ុន្មានសប្តាហ៍ថ្មីៗនេះ។