យោធារបស់ប្រទេសចិនកាលពីថ្ងៃចន្ទ (ទី១៤ ខែតុលា) បានចេញផ្សាយវីដេអូនៃកងកម្លាំងរបស់ខ្លួនធ្វើសមយុទ្ធសង្គ្រោះបន្ទាន់លើដី សមុទ្រ និងនៅលើអាកាស ដែលជាផ្នែកនៃល្បែងសង្គ្រាមចុងក្រោយបំផុតរបស់ខ្លួនជុំវិញកោះតៃវ៉ាន់ ហើយបាននិយាយថា សមយុទ្ធនេះ គឺជាការព្រមាន និង ឯករាជ្យភាពរបស់តៃ  វ៉ាន់ មានន័យថា មានសង្គ្រាម។

តាមរយៈមន្ត្រីកងទ័ពជើងទឹកដែលនិយាយនៅក្នុងវីដេអូនោះ បញ្ជាការកងកម្លាំងភាគខាងកើតរបស់កងទ័ពរំដោះប្រជាជន (PLA) បានអះអាងថា សមយុទ្ធនេះ កំពុងធ្វើឡើងក្នុងទិសដៅទៅកាន់កំពង់ផែ Keelung លើកោះទាំងបី នៅភាគខាងជើងនៃកោះតៃវ៉ាន់ ខណៈដែលលោក បានសង្កត់ធ្ងន់ថា ទាហាន   «ប្រុងប្រយ័ត្ន និងត្រៀមខ្លួនប្រយុទ្ធ តាមបញ្ជារបស់យោធា។

ប្រទេសចិន បានរៀបចំធ្វើរយៈពេលមួយថ្ងៃនៃអ្វីដែលខ្លួនហៅថា សមយុទ្ធ «Joint Sword-2024B» កាលពីថ្ងៃចន្ទ ជាការព្រមានដល់«សកម្មភាពបំបែកខ្លួន» បន្ទាប់ពីសុន្ទរកថាថ្ងៃបុណ្យជាតិកាលពីសប្តាហ៍មុនដោយមេដឹកនាំតៃវ៉ាន់ លោក Lai Ching-te ដែលទីក្រុងប៉េកាំង បានថ្កោលទោស។

នៅក្នុងការធ្វើបច្ចុប្បន្នភាពប្រចាំថ្ងៃរបស់ខ្លួនអំពីសកម្មភាពយោធារបស់ចិននៅជុំវិញកោះនេះ ក្នុងរយៈពេល ២៤ម៉ោងមុន ស្ថាប័នការពារជាតិរបស់កោះតៃវ៉ាន់ បាននិយាយថា ខ្លួនបានប្រទះឃើញយន្តហោះយោធាចិនចំនួន ១៥៣គ្រឿង ដោយបានធ្វើបច្ចុប្បន្នភាពតួលេខដែលបានផ្តល់ឲ្យកាលពីល្ងាចថ្ងៃចន្ទ គឺត្រឹមតែ១២៥គ្រឿង ដែលក្រសួងបាននិយាយរួចហើយថា ជាកំណត់ត្រាខ្ពស់បំផុត ក្នុងរយៈពេលមួយថ្ងៃ។