លោក Osama Hamdan សមាជិកការិយាល័យនយោបាយរបស់ក្រុមហាម៉ាស បាននិយាយថា អ៊ីស្រាអែល បានចាប់ផ្តើមអនុវត្តនូវអ្វីដែលគេហៅថា ផែនការ Generals' Plan ដែលអំពាវនាវឲ្យមានការផ្លាស់ទីលំនៅរបស់ប្រជាជនពីភាគខាងជើងហ្កាហ្សា ទៅភាគខាងត្បូងនៃដែនដីនេះ កាលពីដើមខែនេះ។

លោកបាននិយាយនៅក្នុងបទសម្ភាសន៍ជាមួយទូរទស្សន៍ Al Jazeera ថា៖«គោលដៅរបស់អ៊ីស្រាអែលមិនបានសម្រេចទេ បន្ទាប់ពីការឈ្លានពានអស់រយៈពេលមួយឆ្នាំ»។ «អ្នកឈ្លានពាននេះ បានចាប់ផ្តើមអនុវត្តផែនការ «'Generals' Plan » នៅដើមខែនេះ។

លោកបាននិយាយថា គោលបំណងនៃផែនការនេះ គឺដើម្បីផ្លាស់ប្តូរមនុស្សមួយចំនួនពីផ្នែកខាងជើងនៃតំបន់ ហ្កាហ្សាទៅផ្នែកខាងត្បូង។ យោងតាមលោក Hamdan អ៊ីស្រាអែល ចង់ប្រើ «កម្លាំងយោធាអតិបរមា នៅក្នុងតំបន់ហ្កាហ្សាស្ទ្រីប ដើម្បីបង្ហាញសមិទ្ធផលរបស់កងទ័ព»។

លោក Hamdan បាននិយាយថា៖«ប្រតិបត្តិការតស៊ូ នឹងបន្ត និងពង្រីកដើម្បីការពារប្រជាជនរបស់យើង ទោះបីជាស្ថានភាពនៅតំបន់ហ្កាហ្សាស្ទ្រីប បែបណាក៏ដោយ»។

លោកបានអំពាវនាវឲ្យមានការខិតខំប្រឹងប្រែង ដើម្បីគាំទ្រប្រជាជនប៉ាឡេស្ទីន។