បេសកជនរុស្ស៊ីប្រចាំអង្គការសហប្រជាជាតិលោក Vasily Nebenzya បាននិយាយថា ស្ថិរភាពតាមបណ្តោយផ្លូវទឹកជុំវិញប្រទេសយេម៉ែន អាចសម្រេចបាន ប្រសិនបើសម្ពាធ ត្រូវបានអនុវត្តលើសមាជិកនៃក្រុមចម្រុះដែលដឹកនាំដោយសហរដ្ឋអាមេរិក និងចក្រភពអង់គ្លេស ជុំវិញការវាយប្រហារមិនរើសមុខទៅលើប្រទេសនេះ។

លោកបាននិយាយនៅក្នុងកិច្ចប្រជុំក្រុមប្រឹក្សាសន្តិសុខUNស្តីពីយេម៉ែនថា៖«យើងជឿជាក់ថា សម្រាប់ស្ថិរភាពពិតប្រាកដនៃស្ថានភាពនៅក្នុងដែនទឹកដែលនៅជិតប្រទេសយេម៉ែន មិនគួរមានសម្ពាធតិចជាងនេះទៅលើសមាជិកនៃក្រុមចម្រុះដែលដឹកនាំដោយសហរដ្ឋអាមេរិក និងចក្រភពអង់គ្លេស ដែលបន្តវាយប្រហារលើទឹកដីនៃប្រទេសដែលមានអធិបតេយ្យភាព ជារៀងរាល់សប្តាហ៍ និងតាមអំពើចិត្ត ជាការរំលោភលើបទដ្ឋាននៃច្បាប់អន្តរជាតិ សកម្មភាពវិទ្ធង្សនារបស់ពួកគេ បង្ហាញពីគំនិតនៃការជំរុញភាពជ្រុលនិយម ដែលជាក់ស្តែងគឺមិនងាយសម្រេចបាននូវដំណោះស្រាយពិតប្រាកដមួយក្នុងប្រទេសយេម៉ែន នៅក្នុងលក្ខខណ្ឌសមស្របឡើយ។ ទោះជាយ៉ាងណាក៏ដោយ ដៃគូលោកខាងលិចរបស់យើង បាននិងកំពុងធ្វើការ និងបន្តធ្វើការនៅក្នុងប្រទេសផ្សេងទៀតនៃតំបន់នេះ»។

លោក Nebenzya បានបញ្ជាក់ជាថ្មីនូវការគាំទ្រដែលមិនផ្លាស់ប្តូររបស់រុស្ស៊ីចំពោះសុវត្ថិភាពនៃការធ្វើនាវាចរណ៍អន្តរជាតិ នៅក្នុងសមុទ្រក្រហម ឈូងសមុទ្រ Aden និងតំបន់ទឹកទាំងមូល។