ក្នុងទីជម្រកស្ថិតនៅតំបន់ជាយក្រុង Herjelleh នៃទីក្រុងដាម៉ាស់ ប្រទេសស៊ីរី អ៊ំស្រី Ghazaleh Ballout ដែលជាពលរដ្ឋលីបង់ជម្លៀសខ្លួន អង្គុយជាមួយគ្រួសាររបស់គាត់ និងគ្រួសារដទៃទៀតដែលបានរត់ភៀសខ្លួនចេញពីផ្ទះសម្បែងរបស់ពួកគេ ខណៈដែលពួកគេទាំងអស់គ្នា រង់ចាំការបញ្ចប់ការឈឺចាប់របស់ពួកគេ ។

នៅវ័យ ៦៧ឆ្នាំ អ៊ំស្រី Ghazaleh បានរត់គេចចេញពីទីក្រុង Dahyeh ជាទីដែលគាត់រស់នៅក្នុងប្រទេសលីបង់ ពេលដែលការទម្លាក់គ្រាប់បែនៅទីនោះ កាន់តែខ្លាំងក្លាឡើង ។

លាយឡំនឹងទឹកភ្នែក អ៊ំស្រីបានរំឭកពីពេលដែលគាត់គ្មានកន្លែងត្រូវទៅ ហើយចុងក្រោយសម្រេចចិត្តរត់ភៀសខ្លួនមកកាន់ប្រទេសស៊ីរី ជាមួយនឹងសម្លៀកបំពាក់មួយកំផ្លេនៅនឹងខ្លួន ។

អ៊ំស្រី Ghazaleh និយាយថា គាត់នៅជាមួយកូនរបស់គាត់ គាត់មានកូន ៥នាក់ ហើយប្តីរបស់គាត់បានស្លាប់ហើយ ការទម្លាក់គ្រាប់បែកបានចាប់ផ្តើម ពួកយើងគ្មានកន្លែងត្រូវទៅនោះទេ ។ 

អ៊ំស្រីបន្តថា អ៊ីស្រាអែល ពុំបានទុកព្រះវិហារ ឬសាលារៀននោះទេ ពួកគេមិនទុកអ្វីៗទាំងអស់ ។ ពួកយើងបានបានរត់ចេញ ហើយព្រះក៏បាននាំពួកយើងមកកាន់ទីនេះ ។ អរគុណព្រះ ។

នៅក្នុងជម្រកបណ្តោះអាសន្នដែលគេរៀបចំសម្រាប់ផ្តល់ជាទីស្នាក់អាស្រ័យដល់ពួកគេ គ្រួសារជម្លៀសខ្លួន នាំគ្នាឆ្លុះបញ្ចាំងពីបទពិសោធន៍ដ៏ឈឺចាប់របស់ពួកគគេ ខណៈដែលមានក្តីកង្វល់ថា សង្រ្គាមមួយនេះ នឹងអូសបន្លាយពេលគ្មានទីបញ្ចប់ ៕