អ៊ីរ៉ាក់៖ ប្រជាជនអ៊ីរ៉ាក់បានបោះឆ្នោតកាលពីថ្ងៃអាទិត្យ (១០ តុលា) នៅក្នុងការបោះឆ្នោតសកលមួយដែលមនុស្សជាច្រើននិយាយថា ពួកគេនឹងធ្វើពហិការដោយបាត់បង់ជំនឿលើប្រព័ន្ធប្រជាធិបតេយ្យ ដែលនាំមកដោយការឈ្លានពានរបស់សហរដ្ឋអាមេរិកនៅឆ្នាំ២០០៣។
ការបោះឆ្នោតនេះត្រូវបានរៀបចំឡើងរយៈពេលជាច្រើនខែដើមឆ្នាំនេះ ក្រោមច្បាប់ថ្មីមួយដែលបង្កើតឡើងដើម្បីជួយដល់បេក្ខជនឯករាជ្យ ជាការឆ្លើយតបទៅនឹងការតវ៉ាប្រឆាំងរដ្ឋាភិបាលទ្រង់ទ្រាយធំកាលពី ២ឆ្នាំមុន។ ប៉ុន្តែអ្នកនយោបាយជើងចាស់ កងកម្លាំងប្រដាប់អាវុធ និងក្រុមឥស្សរជន និងក្រុមអ៊ីស្លាមនិកាយស៊ីអ៊ីតដ៏មានឥទ្ធិពល ត្រូវបានគេរំពឹងថានឹងឈ្នះការបោះឆ្នោត។ ក្រុមមន្ត្រីអ៊ីរ៉ាក់ អ្នកការទូត និងអ្នកវិភាគបរទេសនិយាយថា លទ្ធផលនឹងមិនផ្លាស់ប្ដូរតុល្យភាពអំណាចនៅក្នុងប្រទេសនេះ ឬធ្វើឲ្យមជ្ឈិមបូព៌ាកាន់តែទូលំទូលាយនោះឡើយ។
នៅទីក្រុង Kirkuk ភាគខាងជើង ប្រជាពលរដ្ឋម្នាក់គឺលោក Abu Abdullah បាននិយាយថា រូបលោកបានមកកាន់ទីនេះដើម្បីបោះឆ្នោត មួយម៉ោងមុនពេលការិយាល័យបោះឆ្នោតបើកទ្វារ។ លោកថា លោកបានមកតាំងពីព្រលឹមដើម្បីក្លាយជាអ្នកបោះឆ្នោតដំបូង ដែលបានចូលរួមក្នុងព្រឹត្តិការណ៍ដែលសង្ឃឹមថានឹងនាំមកនូវការផ្លាស់ប្តូរ។ យើងរំពឹងថា ស្ថានភាពនឹងប្រសើរឡើងកាន់តែល្អជាងនេះទៀត។ សហរដ្ឋអាមេរិក ប្រទេសនៅតំបន់ឈូងសមុទ្រអារ៉ាប់ និងម្ខាងគឺអ៊ីស្រាអែល និងម្ខាងទៀតគឺអ៊ីរ៉ង់កំពុងប្រកួតប្រជែងគ្នាដណ្ដើមឥទ្ធិពលនៅក្នុងប្រទេសអ៊ីរ៉ាក់ ដែលបានផ្តល់ច្រកចេញមួយសម្រាប់ទីក្រុងតេអេរ៉ង់គាំទ្រក្រុមភេរវករតំណាងនៅស៊ីរី និងលីបង់៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
