ជនអន្តោប្រវេសន៍លើកដំបូង ដែលត្រូវបានបង្វែរទិសដៅដោយអ៊ីតាលី ទៅកាន់ប្រទេសអាល់បានីបានទៅដល់កំពង់ផែ Shengjin កាលពីថ្ងៃពុធ។ ការផ្ទេរត្រូវបានកំណត់ក្នុងចំណាត់ការផែនការដំបូងដោយរដ្ឋសហភាពអឺរ៉ុប ដើម្បីផ្ទេរអ្នកស្វែងរកសិទ្ធិជ្រកកោន ទៅកាន់ប្រទេសមួយផ្សេងទៀត។

នៅក្រោមកិច្ចព្រមព្រៀងដ៏ចម្រូងចម្រាសនេះ ប្រទេសអ៊ីតាលី បានសាងសង់មជ្ឈមណ្ឌលទទួលជនអន្តោប្រវេសន៍ចំនួនពីរកន្លែងនៅក្នុងប្រទេសអាល់បានី ដោយរដ្ឋាភិបាលសង្ឃឹមថា ដំណើរការនេះនឹងរារាំងជនអន្តោប្រវេសន៍ពីការចូលទៅប្រទេសអ៊ីតាលី។

ជនអន្តោប្រវេសន៍ចំនួន១៦នាក់ រួមមានជនជាតិបង់ក្លាដែស១០នាក់ និងជនជាតិអេហ្ស៊ីប៦នាក់ ត្រូវបានដើរអមចេញពីនាវាកងទ័ពជើងទឹកអ៊ីតាលី Libra ទៅកាន់មជ្ឈមណ្ឌលទទួលជនអន្តោប្រវេសន៍នៅកំពង់ផែមួយកន្លែង។

ក្រុមសិទ្ធិមនុស្ស បានប្រឆាំងទៅនឹងកិច្ចព្រមព្រៀងនេះ ដោយនិយាយថា វាបានរឹតត្បិតសិទ្ធិជ្រកកោនរបស់ជនអន្តោប្រវេសន៍។ មានក្រុមមួយចំនួនដែលនឹងត្រូវបានលើកលែងពីកិច្ចព្រមព្រៀងនេះ ដូចជាមនុស្សចាស់ កុមារដែលពុំមានអ្នករួមដំណើរ និងអ្នកដែលរួចផុតពីការធ្វើទារុណកម្ម និងការជួញដូរ ជាដើម។ ប៉ុន្តែយើងមានការព្រួយបារម្ភថា គ្មានការធានាសម្រាប់ពួកគេដែលពិតជាត្រូវបានលើកលែងពីករណីនេះទេ ហើយពួកគេអាចបញ្ចប់ទៅ ដោយជំនួសវិញនៅក្នុងលក្ខខណ្ឌដូចជាពន្ធនាគារ នៅក្រៅទឹកដីសហភាពអឺរ៉ុប។

ភាពតានតឹងកើនឡើងនៅក្នុងទ្វីបអឺរ៉ុប ជុំវិញបញ្ហាអន្តោប្រវេសន៍ ដែលបានមើលឃើញនៅក្នុងប្រទេសជាច្រើន រួមមានទាំងអាល្លឺម៉ង់ និងប្រទេសប៉ូឡូញ ដែលបានស្នើ ឬអនុម័តគោលនយោបាយតឹងរ៉ឹងជាងនេះ។