មូលនិធិកុមាររបស់អង្គការសហប្រជាជាតិ (UNICEF) បានប្រកាសថា ការកើនឡើងនៃភាពតានតឹង និងជម្លោះ នៅក្នុងប្រទេសលីបង់ បាននាំឲ្យមានការកើនឡើងនៃអំពើហិង្សាដែលមិនធ្លាប់មានពីមុនមក និងការចាប់ផ្តើមនៃរលកដ៏ធំបំផុតនៃការជម្លៀសមនុស្ស នៅក្នុងប្រទេសនេះ ក្នុងប៉ុន្មានទសវត្សរ៍ថ្មីៗនេះ។

អង្គការយូនីសេហ្វ (UNICEF) បានប្រកាសថា ការចាប់ផ្តើមឆ្នាំសិក្សានៅប្រទេសលីបង់ ត្រូវបានពន្យារ ពេល។ នេះគឺដោយសារតែ ៦០ភាគរយនៃសាលារៀនលីបង់ ត្រូវបានប្រែក្លាយទៅជាជំរំជនភៀសខ្លួនដែលជាលទ្ធផលនៃការឈ្លានពានរបស់អ៊ីស្រាអែលនៅភាគខាងត្បូងនៃប្រទេស។

អង្គការអន្តរជាតិនេះ បានបន្ថែមថា កុមារ និងក្មេងជំទង់លីបង់ចំនួន ១,២លាននាក់ ត្រូវការជាបន្ទាន់នូវការអប់រំដ៏ទូលំទូលាយ និងសមស្រប។

ទន្ទឹមនឹងនេះ ក្រសួងសុខាភិបាលលីបង់ បានប្រកាសកាលពីថ្ងៃអង្គារថា ចាប់តាំងពីការចាប់ផ្តើមនៃការឈ្លានពានរបស់របបជ្វីហ្វប្រឆាំងនឹងប្រទេសលីបង់មក ប្រជាជនលីបង់ចំនួន ២.៣៥០នាក់ ត្រូវបាន សម្លាប់។

យោងតាមស្ថិតិដែលប្រកាសដោយក្រសួងសុខាភិបាលលីបង់ ការវាយប្រហាររបស់របបអ៊ីស្រាអែល បានបណ្តាលឲ្យមនុស្ស ១០.៩០៦នាក់ រងរបួស។

នៅព្រឹកថ្ងៃចន្ទ ទី២៣ ខែកញ្ញា កងទ័ពអ៊ីស្រាអែល បានបើកការវាយប្រហារទ្រង់ទ្រាយធំ ទៅលើតំបន់ផ្សេងៗនៃភាគខាងត្បូងលីបង់ដែលនៅតែបន្តរហូតមកទល់ពេលនេះ។