អគ្គលេខាធិការសម្ព័ន្ធយោធាណាតូ លោក Mark Rutte បាននិយាយថា យុទ្ធសាស្ត្ររបស់សម្ព័ន្ធមិត្តគឺត្រូវផ្តល់ជំនួយយោធាដល់អ៊ុយក្រែន ហើយប្រសិនបើនៅត្រង់ចំណុចណាមួយដែលទីក្រុងគីវ ចាប់ផ្តើមចរចាជាមួយរុស្ស៊ី ស្តីពីការបញ្ចប់សង្គ្រាម នោះខ្លួនក៏នឹងដើរតាមពីជំហរដ៏រឹងមាំនេះដែរ។

ក្នុងប៉ុន្មានសប្តាហ៍ថ្មីៗនេះ ប្រព័ន្ធផ្សព្វផ្សាយបរទេសមួយចំនួនបានសរសេរអំពីការត្រៀមខ្លួនរបស់អ៊ុយក្រែនតាមដែលចោទប្រកាន់ ក្នុងការផ្តល់សម្បទានដល់រុស្ស៊ីជាការខាតបង់អធិបតេយ្យភាព និងបូរណភាពទឹកដីរបស់ខ្លួន។ អ៊ុយក្រែន បានច្រានចោលរឿងនេះ ហើយចង់ទទួលបានសន្តិភាពដោយយុត្តិធម៌ តាមរយៈ «ផែនការជ័យជម្នះ»របស់ខ្លួន។ ការលើកឡើងរបស់ លោក Rutte ហាក់ដូចជាគាប់ជួនជាមួយបំណងនេះពីសំណាក់ប្រទេសអ៊ុយក្រែន ហើយអាចជួយចង្អុលបង្ហាញដល់សម្ព័ន្ធមិត្តក្នុងទិសដៅដូចគ្នា ដែលមានបំណងគាំទ្រអ៊ុយក្រែនតាមតម្រូវការរបស់ប្រទេសនេះ ដោយមិនបង្ខំឲ្យអ៊ុយក្រែន ឆ្ពោះទៅរកតុចរចា។

ក្នុងអំឡុងពេលសន្និសីទសារព័ត៌មានជាមួយនាយករដ្ឋមន្រ្តីរបស់ប្រទេសឡាតវី លោក Evika Siliņa លោក Rutte បាននិយាយថា អង្គការណាតូគាំទ្រអ៊ុយក្រែនក្នុងជំនួយយោធា ហើយនឹងមិនអនុញ្ញាតឱ្យមេដឹកនាំវិមានក្រឹមឡាំង លោក វ្ល៉ាឌីមៀ ពូទីន ធ្វើអ្វីដែលខ្លួនចង់ធ្វើនៅក្នុងប្រទេសអ៊ុយក្រែនឡើយ។

អគ្គលេខាធិការអង្គការណាតូ បាននិយាយថា សហរដ្ឋអាមេរិក និងប្រទេសផ្សេងទៀត កំពុងផ្តល់ជំនួយយ៉ាងសំខាន់ដល់អ៊ុយក្រែន ហើយអ្វីដែលត្រូវធ្វើនៅពេលនេះ គឺត្រូវប្រាកដថា អ៊ុយក្រែនអាចបន្តទប់ទល់នឹងការវាយលុករបស់រុស្ស៊ី។