រដ្ឋមន្ត្រីការបរទេសអ៊ីស្រាអែលលោក Israel Katz បាននិយាយថា ការវាយប្រហារលើទីតាំងរបស់កងកម្លាំងបណ្តោះអាសន្នរបស់អង្គការសហប្រជាជាតិនៅក្នុងប្រទេសលីបង់(UNIFIL) គឺជាឧបទ្ទវហេតុ   មួយ។

លោក Katz បានថ្លែងប្រាប់សារព័ត៌មានBildថា៖«វាគឺជាឧបទ្ទវហេតុមួយ។ ការវាយប្រហារលើ UNIFIL មិនមែនជាផ្នែកនៃគោលនយោបាយរបស់យើងទេ។ ឥឡូវនេះ យើងកំពុងធ្វើការ ដើម្បីដោះស្រាយបញ្ហា»។ 

យោងតាមរដ្ឋមន្ត្រីរូបនេះ កងកម្លាំងការពារជាតិអ៊ីស្រាអែល និងក្រសួងការបរទេស កំពុងពិភាក្សាជាមួយ UNIFIL ដើម្បីស្វែងរកដំណោះស្រាយចំពោះបញ្ហានេះ។

នៅពេលសួរថាតើសង្រ្គាមនៅលីបង់ នឹងមានរយៈពេលប៉ុន្មាន លោក Katz បានបញ្ជាក់ថា៖«នៅភាគខាងត្បូង វានឹងចំណាយពេលពីរបីសប្តាហ៍ប៉ុណ្ណោះ។

លោកបាននិយាយថា៖«ចំណាប់អារម្មណ៍របស់យើង មិនមែនទៅលើដំណោះស្រាយនយោបាយនៅក្នុងប្រទេសលីបង់នោះទេ ប៉ុន្តែទៅលើសន្តិសុខរបស់យើង និងការវិលត្រឡប់របស់ប្រជាពលរដ្ឋរបស់យើង ទៅរកជីវិតដែលមានសុវត្ថិភាព»។ 

UNIFL បាននិយាយកាលពី ថ្ងៃទី ១០ ខែតុលាថា កងកម្លាំងការពារអ៊ីស្រាអែល បានបាញ់ទៅលើមជ្ឈមណ្ឌលបញ្ជាការរបស់ខ្លួននៅទីក្រុង Ras Naqoura ដោយបានធ្វើឲ្យកងរក្សាសន្តិភាពពីរនាក់ រង    របួស។ សមាជិក UNIFL ពីរនាក់ទៀត បានរងរបួស នៅថ្ងៃទី ១១ ខែតុលា ហើយអ្នករក្សាសន្តិភាពម្នាក់ទៀតបានរងរបួសដោយគ្រាប់កាំភ្លើង នៅថ្ងៃទី ១២ ខែតុលា។