កូរ៉េខាងជើង៖ ប្រព័ន្ធផ្សព្វផ្សាយរដ្ឋបានរាយការណ៍នៅថ្ងៃចន្ទ ទី១១ ខែតុលានេះថា មេដឹកនាំកូរ៉េខាងជើងលោក Kim Jong Un ជំរុញឱ្យមន្ត្រីផ្តោតលើការធ្វើឱ្យប្រសើរឡើងនូវជីវភាពរស់នៅរបស់ប្រជាពលរដ្ឋ នៅចំពោះមុខស្ថានភាពសេដ្ឋកិច្ចដ៏យ៉ាប់យ៉ឺន ខណៈលោកចូលរួមរំលឹកខួបគណបក្សកាន់អំណាចរបស់ប្រទេសនេះ។
ទីភ្នាក់ងារសារព័ត៌មាន KCNA បាននិយាយថា ដើម្បីអបអរសាទរខួបលើកទី៧៦ នៃការបង្កើតគណបក្សពលករកូរ៉េកាលពីថ្ងៃអាទិត្យ លោក Kim បានថ្លែងសុន្ទរកថាមួយទៅកាន់កិច្ចប្រជុំក្រុមមន្ត្រី។ ការសម្តែងសិល្បៈ រាត្រីស្រមោលស និងការបាញ់កាំជ្រួចត្រូវបានធ្វើឡើងនៅក្នុងទីក្រុងព្យុងយ៉ាង ប៉ុន្តែមិនមានការធ្វើព្យុហយាត្រាយោធាទ្រង់ទ្រាយធំ ដែលពេលខ្លះត្រូវបានធ្វើឡើងនៅក្នុងឱកាសបែបនេះនោះទេ។ សេដ្ឋកិច្ចរបស់ប្រទេសកូរ៉េខាងជើងត្រូវបានប៉ះពាល់ ដោយសារការដាក់ទណ្ឌកម្មជាច្រើនឆ្នាំមកហើយទៅលើកម្មវិធីអាវុធនុយក្លេអ៊ែរ និងអាវុធរបស់ខ្លួន ហើយភ្លៀងធ្លាក់ខ្លាំង និងទឹកជំនន់ក៏បានបណ្តាលឱ្យរងការខូចខាតផងដែរ។
អ្នកឃ្លាំមើលសិទ្ធិមនុស្សរបស់អង្គការសហប្រជាជាតិ បាននិយាយនៅក្នុងរបាយការណ៍ដែលសារព័ត៌មាន Reuters ទទួលបានកាលពីសប្តាហ៍មុនថា ការប្រឈមនឹងភាពអត់ឃ្លានងាយរងគ្រោះបំផុតរបស់ប្រទេសនេះ បន្ទាប់ពីបានដាក់ប្រទេសឲ្យនៅដាច់ដោយឡែក កាន់តែដាច់ឆ្ងាយពីពិភពលោក ដែលបានកំណត់ឡើងដោយខ្លួនឯងក្នុងអំឡុងពេលមានជំងឺរាតត្បាតសកល COVID-19 ព្រមទាំងស្ថានភាពមនុស្សធម៌កាន់តែធ្ងន់ធ្ងរទៅៗអាចប្រែក្លាយទៅជាវិបត្តិ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
