ឯកអគ្គរដ្ឋទូតសហរដ្ឋអាមេរិកប្រចាំប្រទេសម៉ិកស៊ិក លោក Ken Salazar បាននិយាយ កាលពីថ្ងៃព្រហស្បតិ៍ថា ពុំមានការផ្អាកទំនាក់ទំនងរវាងរដ្ឋាភិបាលម៉ិកស៊ិក និងស្ថានទូតអាមេរិក នៅក្នុងប្រទេសនេះ នោះទេ។

លោក Salazar បានប្រាប់អ្នកសារព័ត៌មានថា ទំនាក់ទំនងរវាងសហរដ្ឋអាមេរិក និងម៉ិកស៊ិក នឹងមិនត្រូវបានផ្អាកនោះទេ។

លោក Salazar បាននិយាយនៅក្នុងសន្និសីទសារព័ត៌មានថា សហរដ្ឋអាមេរិក បានផ្តល់ព័ត៌មានដល់ប្រទេសម៉ិកស៊ិក អំពីការចាប់ខ្លួន លោក Ismael «El Mayo» Zambada ជាមេក្រុមជួញដូរថ្នាំញៀន ចាប់តាំងពីខែកក្កដា។

ការិយាល័យរដ្ឋអាជ្ញាប្រទេសម៉ិកស៊ិក បានរាយការណ៍កាលពីពាក់កណ្តាលខែសីហា ថា ខ្លួនបានស្នើសុំទិន្នន័យជើងហោះហើរពីរដ្ឋាភិបាលសហរដ្ឋអាមេរិកអំពីការផ្ទេរ លោក Zambada ទៅកាន់ទីក្រុង El Paso។

ទន្ទឹមនឹងនេះ ទាំងអតីតប្រធានាធិបតី លោក Andres Manuel López Obrador និងប្រធានាធិបតីជាប់ឆ្នោតថ្មី លោកស្រី Claudia Sheinbaum បានស្នើសុំព័ត៌មានអំពីករណីនេះម្តងហើយម្តងទៀត ដោយចោទប្រកាន់ទីក្រុងវ៉ាស៊ីនតោនថា បានបដិសេធរឿងនេះ។