លោកស្រី Kamala Harris បាននិយាយកាលពីថ្ងៃព្រហស្បតិ៍ថា ការសម្លាប់មេដឹកនាំជាន់ខ្ពស់របស់ក្រុម ហាម៉ាសដោយអ៊ីស្រាអែល ផ្តល់«ឱកាសមួយ ដើម្បីបញ្ចប់សង្រ្គាមនៅហ្កាហ្សា» ដោយបានលើកឡើង យ៉ាងច្បាស់អំពីជំហានបន្ទាប់ ខណៈដែលបាតុករគាំទ្រប៉ាឡេស្ទីនដែលបានប្រមូលផ្តុំនៅខាងក្រៅព្រឹត្តិការណ៍យុទ្ធនាការរបស់លោកស្រី បានគូសបញ្ជាក់អំពីកិច្ចការនយោបាយដែលពាក់ព័ន្ធយ៉ាងស្មុក  ស្មាញ។

បេក្ខភាពប្រធានាធិបតីនៃគណបក្សប្រជាធិបតេយ្យរូបនេះ បានបញ្ជាក់ថា សង្រ្គាម «ត្រូវតែបញ្ចប់ដូចដែលអ៊ីស្រាអែល បានធានាថា ចំណាប់ថ្នូរ ត្រូវបានដោះលែង ការឈឺចាប់នៅតំបន់ហ្កាហ្សា ត្រូវបានបញ្ចប់ ហើយប្រជាជនប៉ាឡេស្ទីន អាចមានសិទ្ធិទទួលបានសេចក្តីថ្លៃថ្នូរ សន្តិសុខ សេរីភាព និងការសម្រេចចិត្តដោយខ្លួនឯង»។

ដោយថ្លែងពីសាកលវិទ្យាល័យ Wisconsin-Milwaukee ភ្លាមៗបន្ទាប់ពីសេតវិមាន បានចេញផ្សាយសេចក្តីថ្លែងការណ៍របស់លោកប្រធានាធិបតី ចូ បៃដិន ( Joe Biden) អំពីការស្លាប់របស់លោក យ៉ាយ៉ា   ស៊ីនវ៉ានោះ  លោកស្រី បាននិយាយថា៖«វាដល់ពេលហើយសម្រាប់ថ្ងៃត្រូវបញ្ចប់សង្គ្រាម។   មន្ត្រីអ៊ីស្រាអែល បាននិយាយថា លោក ស៊ីនវ៉ា ត្រូវបានសម្លាប់នៅក្នុងការប្រយុទ្ធជាមួយកងកម្លាំងអ៊ីស្រាអែល នៅតំបន់ហ្កាហ្សា។

ការឆ្លើយតបរបស់រដ្ឋបាលចំពោះការសម្លាប់ស្ថាបនិកដ៏សំខាន់នៃការវាយប្រហារកាលពីថ្ងៃទី ៧ ខែតុលា ឆ្នាំ ២០២៣ ទៅលើអ៊ីស្រាអែល ត្រូវបានរៀបចំយ៉ាងប្រុងប្រយ័ត្ន ដោយទុកឱកាសឲ្យលោកស្រី Harris ដើម្បីបញ្ជាក់ពីការជំរុញឲ្យបញ្ចប់សង្រ្គាម ដោយសារលោកស្រី នៅតែរក្សាភាពស្មោះត្រង់របស់ខ្លួនចំពោះលោក បៃដិន។