នាយករដ្ឋមន្ត្រីហុងគ្រី លោក Viktor Orban បានប្រាប់វិទ្យុ Kossuth ថា ផែនការជ័យជម្នះរបស់ប្រធានាធិបតីអ៊ុយក្រែន លោក វ្ល៉ឌីមី ហ្សេលិនស្គី នឹងនាំឲ្យលោកបរាជ័យ។

លោកបានចង្អុលបង្ហាញថា មេដឹកនាំអ៊ុយក្រែន បានបង្ហាញផែនការយោធារបស់លោកក្នុងកិច្ចប្រជុំកំពូលរបស់សហភាពអឺរ៉ុប ក្នុងទីក្រុងប្រ៊ុចសែល។ លោកបានបន្ថែមថា ភាគច្រើននៃអ្នកចូលរួមកិច្ចប្រជុំកំពូលនៅតែប្តេជ្ញាបន្តជម្លោះយោធានៅអ៊ុយក្រែន។ យោងតាមលោកនាយករដ្ឋមន្ត្រី ហុងគ្រីជឿជាក់ថា សហភាពអឺរ៉ុប ត្រូវបានបរាជ័យរួចហើយជាមួយនឹងអ៊ុយក្រែន។ លោក Orban បានសង្កត់ធ្ងន់ថា៖«អ្នកចាញ់ឥឡូវនេះ ចង់បន្តទៅកាន់ផែនការជ័យជម្នះ។ យើងបាននិយាយថា យើងមិនពាក់ព័ន្ធនឹងរឿងនេះទេ។ អ្នកមិនអាចឈ្នះ ជាមួយនឹងផែនការជ័យជម្នះនេះបានទេ»។

លោកនាយករដ្ឋមន្ត្រី បានបន្ថែមថា៖«អ្នកអាចចាញ់ដោយសារតែផែនការនេះ។ វាមិនមែនជាផែនការសម្រាប់ជ័យជម្នះនោះទេ ប៉ុន្តែវាសម្រាប់ការបរាជ័យទៅវិញទេ។ លោកបានបញ្ជាក់ថា ហុងគ្រី មិនមានបំណងចូលរួមក្នុងការអនុវត្តផែនការយោធាបែបនេះទេ ហើយនឹងមិនផ្គត់ផ្គង់សព្វាវុធដល់អ៊ុយក្រែន     ឡើយ។

យោងតាមទីក្រុងប៊ុយដាប៉ែស ( Budapest) ជម្លោះអ៊ុយក្រែន មិនអាចដោះស្រាយនៅសមរភូមិបានទេ គឺត្រូវដោះស្រាយតាមផ្លូវការទូតតែប៉ុណ្ណោះ។ លោក Orban បាននិយាយថា៖«ដូច្នេះការចរចា គឺចាំបាច់ហើយយើងគួរតែព្យាយាមបញ្ចប់សង្រ្គាមឲ្យបានឆាប់តាមដែលអាចធ្វើទៅបាន ដើម្បីត្រឡប់ទៅជីវិតមាន សន្តិភាពវិញ។