ក្រុមអ្នកជំនាញនិយាយថា ក្រុមសកម្មប្រយុទ្ធហាម៉ាសប៉ាឡេស្ទីន ទំនងជានឹងដាក់ជំនួស Yahya Sinwar ដោយមេដឹកនាំនយោបាយថ្មីដែលមានមូលដ្ឋាននៅខាងក្រៅតំបន់ហ្កាហ្សា ខណៈបងប្អូនប្រុសរបស់លោកគឺលោក Mohammad Sinwar ត្រូវបានគេរំពឹងថានឹងកាន់តួនាទីកាន់តែធំក្នុងការដឹកនាំសង្រ្គាមប្រឆាំងអ៊ីស្រាអែល។

នៅក្នុងកិច្ចពិភាក្សាអំពីអ្នកដឹកនាំរបស់ខ្លួន ក្រុមហាម៉ាសត្រូវពិចារណា មិនត្រឹមតែអ្នកគាំទ្រដ៏សំខាន់របស់ខ្លួនគឺអ៊ីរ៉ង់ប៉ុណ្ណោះទេ ថែមទាំងក៏ជាផលប្រយោជន៍របស់រដ្ឋឈូងសមុទ្រកាតាផងដែរ ជាទីតាំងដល់ប្រធានការិយាល័យនយោបាយបច្ចុប្បន្នស្នាក់នៅ។

លោក Sinwar ដែលជាមេគំនិតនៃការវាយប្រហារកាលពីថ្ងៃទី៧ ខែតុលា ឆ្នាំ២០២៣ ដែលបានបញ្ឆេះសង្រ្គាមនៅតំបន់ហ្កាហ្សាដ៏បង្ហូរឈាម ត្រូវបានសម្លាប់ដោយកងកម្លាំងអ៊ីស្រាអែល នៅក្នុងការប្រយុទ្ធគ្នាដោយកាំភ្លើងកាលពីថ្ងៃពុធសប្តាហ៍នេះ ជាលើកទីពីរក្នុងរយៈពេលមិនដល់បីខែនោះទេ ដែលក្រុមហាម៉ាស បានបាត់បង់មេដឹកនាំជាន់ខ្ពស់របស់ខ្លួន។

នៅពេលដែល លោក Sinwar ត្រូវបានដាក់ជំនួស នោះនឹងត្រូវបានដាក់បញ្ចូលទាំងការដឹកនាំផ្នែកយោធា និងនយោបាយនៅតំបន់ហ្កាហ្សា ប៉ុន្តែវាមិនទំនងកើតឡើងនៅក្នុងអំឡុងពេលនេះទេ។ 

បន្ទាប់ពីការវាយប្រហារដ៏បង្ហូរឈាមរបស់អ៊ីស្រាអែលរយៈពេលជាងមួយឆ្នាំ ដែលបានវាយលុកលើក្រុមហាម៉ាស សម្លាប់អ្នកប្រយុទ្ធរបស់ក្រុមនេះរាប់ពាន់នាក់ និងបានកម្ចាត់មន្ត្រីជាន់ខ្ពស់ទាំងក្នុង និងក្រៅតំបន់ហ្កាហ្សា វានៅមិនច្បាស់នោះទេថា ក្រុមសកម្មប្រយុទ្ធប៉ាឡេស្ទីន នឹងលេចចេញពីការវាយប្រហារចុងក្រោយនេះ ឬយ៉ាងណា។

លោក Khalil Al-Hayya អនុប្រធានរបស់លោក Sinwar ដែលត្រូវបានគេមើលឃើញថាជាអ្នកបន្តតំណែងដ៏មានសក្តានុពលនោះ បានដាក់ការកត់ត្រាដ៏ខ្លាំងក្លាកាលពីថ្ងៃសុក្រ ដោយនិយាយថា ចំណាប់ខ្មាំងអ៊ីស្រាអែលនឹងមិនត្រូវបានបញ្ជូនត្រឡប់ទៅវិញឡើយ រហូតដល់កងទ័ពអ៊ីស្រាអែល ដកខ្លួនចេញពីតំបន់ហ្កាហ្សា ហើយសង្គ្រាមបញ្ចប់។