សមាគមសិស្សនិស្សិតបញ្ញវន្តក្មេងវត្តសាខាខេត្តឧត្តរមានជ័យ ដឹកនាំដោយលោក រិន សាគរ ប្រធានសមាគមសិស្សនិស្សិតបញ្ញវន្តក្មេងវត្ត និងក្រុមការងារ បាននាំ​យកនូវសម្ភារៈគ្រឿង​ឧបភោគបរិភោគ ដើម្បីផ្តល់ចែកជូនប្រជាពលរដ្ឋ ដែលមានជីវភាពជួបការលំបាក ស្ថិតនៅចំណុចភូមិឈូកមាស សង្កាត់កូនក្រៀល ក្រុងសំរោង ខេត្តឧត្តរមានជ័យ។

លោក រិន សាគរ ប្រធានសមាគមសិស្សនិស្សិតបញ្ញវន្តក្មេងវត្ត បានលើកឡើងថា ការជួយគ្នា​ក្នុងគ្រាលំបាកគឺជាវប្បធម៌ចែករំលែកមួយ ដ៏ប្រសើរ​ដើម្បីពួកគាត់​អាច​បន្តជីវិត និងមានជីវភាព​ធូរស្រាល​មួយ​កម្រិត ដើម្បីដោះទាល់ផងដែរ។

លោកប្រធាន បានបន្តថា សមាគមជានិច្ចកាលតែងតែយកចិត្តទុកដាក់គិតគូរខ្ពស់​ពីបញ្ហាប្រឈម​នានារបស់បងប្អូនប្រជាពលរដ្ឋ ក្នុងមូលដ្ឋាន ដែលជួបការលំបាកក្នុងជីវភាព ទោះបីអំណោយ​ដែលផ្តល់ជូនតិចក្តីច្រើនក្តី តែវាជាទឹកចិត្តក្នុងការចែករំលែកមួយដ៏ប្រសើរ ដើម្បីរួមចំណែក​ក្នុង​ការកាត់​បន្ថយ​កាតខ្វះខាត​របស់ប្រជាពលរដ្ឋមួយចំនួនតូច។ អំណោយដែលចែកជូននៅពេលនេះ រួមមាន៖ អង្ករ៥០គីឡូ មី ប៊ីចេញ ទឹកត្រី ទឹកស៊ីអ៊ីវ និងថវិការមួយចំនួនផងដែរ៕