ចៅក្រមសហព័ន្ធ ដែលដឹកនាំរឿងក្តីការធ្វើវិទ្ធង្សនាការបោះឆ្នោតរបស់លោក Donald Trump បានចេញផ្សាយនូវភស្តុតាងបន្ថែមទៀត ដែលទីប្រឹក្សាពិសេស លោក Jack Smith ប្រើប្រាស់ដើម្បីដាក់ការចោទប្រកាន់លើអតីតប្រធានាធិបតីសហរដ្ឋអាមេរិក។

ចៅក្រមតំបន់ លោកស្រី Tanya Chutkan បានច្រានចោលសំណើរបស់មេធាវីរបស់លោក Trump ដើម្បីរក្សាឯកសារជាសម្ងាត់រហូតដល់ថ្ងៃទី១៤ខែវិច្ឆិកា រយៈពេលប្រាំបួនថ្ងៃក្រោយការបោះឆ្នោតប្រធានាធិបតីសហរដ្ឋអាមេរិក ដែល Trump បានក្លាយជាបេក្ខជនគណបក្សសាធារណរដ្ឋ ជាថ្មីម្តងទៀត។

ក្នុងការជជែកតវ៉ាប្រឆាំងការចេញផ្សាយនេះ មេធាវីរបស់លោក Trump បាននិយាយថា វាអាចបង្ហាញពី ការលេចឡើងដែលពាក់ព័ន្ធនៃការជ្រៀតជ្រែកក្នុងការបោះឆ្នោត និងធ្វើឱ្យខូចដល់ក្រុមគណៈវិនិច្ឆ័យ។

លោកស្រី Chutkan បាននិយាយថា ខណៈពាក់ព័ន្ធទៅនឹងផលប្រយោជន៍សាធារណៈនៅក្នុងតុលាការ ពុំមែនរុញឲ្យពាក់ព័ន្ធទៅក្នុងការបោះឆ្នោតទេ ហើយការរក្សាទុកឯកសារក៏អាចត្រូវបានគេចាត់ទុកថាជាការជ្រៀតជ្រែកក្នុងការបោះឆ្នោតដែរ។