គណៈប្រតិភូឯកអគ្គរដ្ឋទូតអារ៉ាប់ប្រចាំអង្គការសហប្រជាជាតិ បានបញ្ជាក់ពីគ្រោះថ្នាក់នៃការប្រល័យពូជសាសន៍ទ្រង់ទ្រាយធំនៅភាគខាងជើងតំបន់ហ្កាហ្សា ដោយផ្អែកលើរបាយការណ៍ដែលថា អ៊ីស្រាអែល មានបំណងបិទតំបន់នេះ ដោយប្រកាសថាវាជាតំបន់យោធា។

លោក Riyad Mansour ជាអ្នកសង្កេតការណ៍អចិន្ត្រៃយ៍សម្រាប់ដែនដីប៉ាឡេស្ទីនប្រចាំអង្គការសហប្រជាជាតិ បាននិយាយថា អ្នកណាក៏ដោយ ដែលនៅសេសសល់នៅទីនោះ គឺជាគោលដៅយោធា ដែលមានន័យថា ប្រសិនបើត្រូវបានអនុវត្ត នោះនឹងមានគ្រោះថ្នាក់នៃការមើលឃើញការសម្លាប់ពលរដ្ឋប៉ាឡេស្ទីនក្នុងចំនួនច្រើនលើសពីអ្វីដែលបានកើតឡើងក្នុងឆ្នាំដំបូង។ 

លោក Mansour បានបង្គាប់ឱ្យក្រុមប្រឹក្សាសន្តិសុខអង្គការសហប្រជាជាតិ អនុម័តសេចក្តីសម្រេចដែលអំពាវនាវឱ្យមានបទឈប់បាញ់បន្ទាន់។ លោក Mansour បាននិយាយបន្ថែមថា ប្រទេសដែលមានអាកប្បកិរិយាក្រអឺតក្រទម និងការមិនគោរពចំពោះកាតព្វកិច្ចរបស់ខ្លួនក្រោមធម្មនុញ្ញរបស់អង្គការសហប្រជាជាតិបែបនេះ មិនសមនឹងទទួលបានអសនៈនៅក្នុងមហាសន្និបាត ក្នុងចំណោមពួកយើងនោះទេ។

ពលរដ្ឋ បាននិយាយថា កងកម្លាំងអ៊ីស្រាអែល បានដាក់ឲ្យនៅដាច់ដោយឡែកពីហ្កាហ្សានៅភាគខាងជើងផុតមានក្រុង Beit Hanoun, Jabalia និងក្រុង Beit Lahiya ពីទីក្រុង ហ្កាហ្សា ដោយរារាំងការធ្វើដំណើរ លើកលែងតែក្រុមគ្រួសារទាំងនោះស្តាប់បង្គាប់ការជម្លៀស និងចាកចេញពីទីក្រុងទាំងបីនេះ។ ពួកគេបាននិយាយថា ទំនាក់ទំនង និងសេវាអ៊ីនធឺណិត ត្រូវបានកាត់ផ្តាច់ ដែលធ្វើឲ្យប៉ះពាល់ដល់ប្រតិបត្តិការជួយសង្គ្រោះ។