ក្រសួងការពារជាតិរុស្ស៊ី បាននិយាយថា ប្រទេសរុស្ស៊ី និងអ៊ុយក្រែន បានដោះដូរឈ្លើយសឹកសង្រ្គាមចំនួន៩៥នាក់កាលពីថ្ងៃសុក្រ នៅក្នុងកិច្ចព្រមព្រៀងមួយបានបញ្ចប់ដោយមានជំនួយពីប្រទេសអារ៉ាប់រួម ដែលមានតួនាទីជាអ្នកសម្របសម្រួល។

ក្រសួង នៅក្នុងការបង្ហោះនៅលើកម្មវិធីផ្ញើសារ Telegram បាននិយាយថា សមាជិកក្រុមរបស់រុស្ស៊ីដែលវិលត្រឡប់ទៅវិញ កំពុងទទួលការពិនិត្យសុខភាពនៅប្រទេសបេឡារុស ដែលជាសម្ព័ន្ធមិត្តជិតស្និទ្ធបំផុតរបស់រុស្ស៊ី ក្នុងសង្គ្រាមជាង២ឆ្នាំកន្លះ កន្លងទៅនេះ។

វីដេអូដែលផ្សព្វផ្សាយដោយក្រសួងការពារជាតិរុស្សី បង្ហាញសមាជិកក្រុមចូលក្នុងរថយន្តក្រុង ដោយ សមាជិកមិនបង្ហាញអត្តសញ្ញាណម្នាក់បាននិយាយថា «អារម្មណ៍របស់លោកត្រេកអរលើសលប់»។ 

វីដេអូដែលបានចេញផ្សាយដោយអ្នកតាមដានអ៊ុយក្រែន នៅថ្ងៃសៅរ៍ ទី១៩ ខែតុលានេះ បានបង្ហាញឈ្លើយសឹកសង្គ្រាម បានជួបជុំគ្នាជាមួយមនុស្សជាទីស្រឡាញ់របស់ពួកគេបន្ទាប់ពីអ៊ុយក្រែននិងរុស្ស៊ីបាននិយាយថាពួកគេបានដោះដូរសមាជិកបម្រើសេវាចំនួន៩៥នាក់។

ក្រុមឯកជនមួយរបស់រុស្ស៊ីថា ភាគច្រើននៃអ្នកដែលត្រូវត្រឡប់ទៅវិញ ត្រូវបានចាប់ខ្លួននៅក្នុងតំបន់ Kursk ជាកន្លែងដែលកងកម្លាំងអ៊ុយក្រែន បានចាប់ផ្តើមការវាយលុក កាលពីខែសីហា។

កងកម្លាំងទាំងនោះ ស្ថិតក្នុងទីក្រុង Kursk ទោះបីជាយោធារុស្ស៊ីនិយាយថា កងកម្លាំងរបស់ខ្លួន វាយដណ្តើមយកបានទឹកដីមួយចំនួនក៏ដោយ។ ការដោះដូរលើកចុងក្រោយ មានអ្នកទោស១០៣នាក់ មកពីភាគីទាំងសងខាង ដែលបានធ្វើឡើងកាលពី ខែកញ្ញា កន្លងទៅនេះ។