ជប៉ុន៖ ការស្ទង់មតិចុងក្រោយបំផុតរបស់ទូរទស្សន៍ NHK របស់ជប៉ុនបង្ហាញថា គណៈរដ្ឋមន្ត្រីថ្មីរបស់ប្រទេសជប៉ុនដឹកនាំដោយលោកនាយករដ្ឋមន្ត្រី Kishida Fumio មានការគាំទ្រចំនួន ៤៩%។ គណៈរដ្ឋមន្ត្រីនេះត្រូវបានបង្កើតឡើងកាលពីថ្ងៃទី៤ ខែតុលា។
ប្រជាប្រិយភាពនៃការគាំទ្រដំបូងមាន ១៣% ទាបជាងគណៈរដ្ឋមន្ត្រីដែលត្រូវបានបង្កើតឡើងដោយអ្នកកាន់តំណែងមុនរបស់លោក Kishida គឺលោក Suga Yoshihide កាលពីខែកញ្ញា ឆ្នាំ២០២០។ ក្នុងពេលជាមួយគ្នានោះសន្ទុះនៃការគាំទ្របានកើនឡើងដល់ ១៩% បើប្រៀបធៀបទៅនឹងការស្ទង់មតិចុងក្រោយសម្រាប់គណៈរដ្ឋមន្ត្រីរបស់លោក Suga។ ការស្ទង់មតិនេះធ្វើឡើងតាមទូរស័ព្ទពីថ្ងៃសុក្រដល់ថ្ងៃអាទិត្យលើមនុស្សចំនួន ៣.៣២៨នាក់។ ក្នុងចំណោមអ្នកដែលត្រូវបានស្ទង់មតិ មនុស្សចំនួន ១.៩២១នាក់ឬ ៥៨ % បានឆ្លើយតប។ ខណៈអ្នកឆ្លើយតប ៤៩% និយាយថា ពួកគេគាំទ្រគណៈរដ្ឋមន្ត្រីរបស់លោកនាយករដ្ឋមន្ត្រីថ្មី Kishida ហើយមានការឆ្លើយតបចំនួន ២៤% និយាយថា ពួកគេមិនគាំទ្រទេ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
