កោះកុងៈ សាលារៀនកោះកុងអន្តរជាតិ កាន់តែត្រូវបានមានការទទួលស្គាល់ពីគុណភាពអប់រំសិក្សាបែបលក្ខណៈអន្តរជាតិ ក្រោយមានកិច្ចសហការជាមួយស្រី្ពងបត៤អេឌ្យូខេសិន (ខេមបូឌា) ឯ.ក (Springboard for Education Cambodia)។

លោកជំទាវ ហាយ គន្ឋា នាយិកាសាលារៀនកោះកុងអន្តរជាតិ បានឲ្យដឹងនៅថ្ងៃទី២១ ខែតុលា ឆ្នាំ២០២៤នេះថា លោកជំទាវមានគោលដៅខ្ពស់ ដោយចង់ពង្រឹងការសិស្សាផ្នែកភាសាអង់គ្លេសជាលក្ខណៈអន្តរជាតិដល់សិស្សានុសិស្សកាន់ទូលំទូលាយលើពីកម្រិតសិក្សានាពេលបច្ចុប្បន្នដែលមានស្រាប់។

លោកជំទាវ នាយិកាសាលរៀនកោះកុងអន្តរជាតិ បន្តថា សាលានឹងផ្តល់ដល់សិស្សានុសិស្សមានឱកាសចូលរួមប្រឡងតេស្តសម្ថតភាពផ្នែកភាសាអង់គ្លេសកម្រិតអន្តរជាតិ និងទទួលបានវិញ្ញាបនបត្រ ពី Cambridge ។ ហើយសិស្សអាចបន្តទៅសិក្សាផ្លាស់ប្តូរ បទពិសោធន៍ នៅក្រៅប្រទេសទៀតផង។

សាលារៀនកោះកុងអន្តរជាតិ បាននឹងកំពុងដើរតួនាទីយ៉ាងសំខាន់ផ្តោតលើការ បណ្តុះបណ្តាលអប់រំដល់សិស្សានុសិស្សសរុប ១.៥៣០នាក់ ចាប់ពីថ្នាក់មត្តេយ្យសិក្សាដល់ទី១២។ ក្នុងនោះមានថ្នាក់ភាសាអង់គ្លេសទូទៅគ្រប់កម្រិត ថ្នាក់ភាសា ចិន ថ្នាក់ភាសា ថៃ ន៨ងថ្នាក់កុំព្យូទ័រ។

លោក Dr. Vincent Santiago ជានាយកផ្នែកសិក្សាធិការ (Academic Director )មានប្រសាសន៍ថា លោកក៏មានក្តី សប្បាយរីករាយ ដែលបានចុះកិច្ចព្រមព្រៀងគ្នាជាមួយសាលារៀនកោះកុងអន្តរជាតិ ដើម្បីសហប្រតិបត្តិការ សំដៅពង្រឹងការសិក្សារៀនសូត្រភាសាអង់គ្លេស ជូនដល់សិស្សានុសិស្សនៅកម្ពុជា ។ 

លោកជឿជាក់ថា ថ្នាក់ដឹកនាំ និងលោកគ្រូអ្នកគ្រូសាលារៀនកោះកុងអន្តរជាតិ បាននាំយកនូវកម្មវិធីសិក្សាពិសេសទៅអប់រំសិក្សាដល់សិស្សានុសិស្សប្រកបដោយគុណភាព និងប្រសិទ្ឋភាពខ្ពស់ ឆ្លើយតបនឹងគោលនយោបាយរបស់រាជរដ្ឋាភិបាល លើកិច្ចការងារពង្រឹងគុណភាពអប់រំ និងធនធានមនុស្សនៅកម្ពុជា៕ អត្តបទៈឈឹម មករា