ក្រសួងការបរទេសចិននិយាយនៅថ្ងៃអង្គារនេះថា ប្រធានាធិបតីចិន Xi Jinping នឹងជួបជាមួយសមភាគីរុស្ស៊ីលោក Vladimir Putin នៅក្នុងទីក្រុង Kazan ជាទីដែលកិច្ចប្រជុំកំពូលក្រុមប្រទេស BRICS ធ្វើឡើង ។

លោក Lin Jian គឺជាអ្នកនាំពាក្យក្រសួងការបរទេសចិន និយាយថា លោក Xi និងលោក Putin នឹងមានឱកាសផ្លាស់ប្តូរទស្សនៈលើទំនាក់ទំនងទ្វេភាគី និងបញ្ហាអន្តរជាតិ ហើយនិងបញ្ហាក្នុងតំបន់ ។

ជំនួបក្រុមមេដឹកនាំប្រទេស BRICS នឹងធ្វើឡើងនៅក្នុងទីក្រុងភាគនិរតី Kazan របស់រុស្ស៊ី ចាប់ពីថ្ងៃអង្គារនេះ រហូតដល់ថ្ងៃព្រហស្បតិ៍ ។

លោក Yuri Ushakov គឺជាជំនួយការគោលនយោបាយបរទេសរបស់វិមានក្រឹមឡាំង និយាយកាលពីថ្ងៃចន្ទថា គណៈប្រតិភូមកពីប្រទេសចំនួន ៣៦ ក្នុងនោះ ២២រូបក្នុងចំណោមពួកគេតំណាងដោយប្រមុខរដ្ឋ ហើយអង្គការអន្តរជាតិចំនួន ៦ នឹងមានវត្តមានផងដែរ ។

វេទិកាការទូតនេះ ត្រូវបានបង្កើតឡើងកាលពីរយៈពេល ១៥ឆ្នាំមុន ដោយប្រទេសទីផ្សារលេចធ្លោធំៗប្រេស៊ីល រុស្ស៊ី ឥណ្ឌា និងចិន ហើយចាប់តាំងពីពេលនោះមក វាត្រូវបានពង្រឹកខ្លួនកាន់តែធំ រួមទាំងអាហ្វ្រិកខាងត្បូង អេហ្ស៊ីប អេត្យូពី អ៊ីរ៉ង់ និងអារ៉ាប់រួមផងដែរ ៕