ជនអន្តោរប្រវេសន៍រាប់រយនាក់ បានធ្វើដំណើរក្នុងក្បួនដំណើរមួយ កាលពីថ្ងៃអង្គារ ទី២២ ខែតុលា ដោយចាប់ផ្តើមពីប្រទេសម៉ិកស៊ិកភាគខាងត្បូង ក្នុងគោលបំណងបានទៅដល់ព្រំដែនរវាងប្រទេសម៉ិកស៊ិក និងសហរដ្ឋអាមេរិក។

ក្នុងអំឡុងពេលព្រឹកព្រលឹម ក្រុមនេះ បានចាកចេញពីទីក្រុង ហួយស៍ត្លា(Huixtla) ភាគខាងត្បូង ដើម្បីធ្វើដំណើរទៅកាន់ក្រុង Villa Comaltitlan ប្រេសម៉ិកស៊ិក ដែលនៅជិតខាង ជាការធ្វើដំណើរក្នុងចម្ងាយ២៥គីឡូម៉ែត្រ។

ជនអន្តោរប្រវេសន៍ច្រើននាក់ និយាយថា ពួកគេបានសម្រេចចិត្តរៀបចំក្បួនធ្វើដំណើរឆ្ពោះទៅភាគខាងជើង បន្ទាប់ពីចំណាយពេលជាច្រើនខែនៅក្នុងទីក្រុង Tapachula រង់ចាំការអនុញ្ញាតពីអាជ្ញាធរប្រទេសម៉ិកស៊ិក ខណៈអស់លុយ និងគ្មានការងារធ្វើ។

ជនអន្តោប្រវេសន៍ និយាយថា មានការព្រួយបារម្ភថា កម្មវិធី CBP ONE របស់សហរដ្ឋអាមេរិក ដែលពួកគេប្រើប្រាស់សម្រាប់ការណាត់ជួបដើម្បីធ្វើអន្តោប្រវេសន៍ នឹងជាប់គាំងដោយការបោះឆ្នោតនៅសហរដ្ឋអាមេរិកនាពេលខាងមុខ ហើយពួកគេនឹងព្យាយាមដើម្បីបានទៅដល់ព្រំដែនឱ្យបានឆាប់តាមដែលអាចធ្វើទៅបាន ក្នុងការស្វែងរកការចូលទៅក្នុងទឹកដីសហរដ្ឋអាមេរិក។

ជនអន្តោរប្រវេសន៍ច្រើនបំផុត ត្រូវបានចាប់ខ្លួនដោយខុសច្បាប់ ក្នុងអំឡុងពេលកាន់តំណែងជាប្រធានាធិបតីរបស់សហរដ្ឋអាមេរិក លោក Joe Biden ប៉ុន្តែការឆ្លងកាត់ បានថយចុះក្នុងរយៈពេលប៉ុន្មានខែថ្មីៗនេះ ខណៈលោក Biden បានដាក់ចេញវិធានការរឹតត្បិតថ្មីនៅតាមព្រំដែន។

ការធ្វើអន្តោប្រវេសន៍ គឺជាបញ្ហាកំពូលមួយរបស់អ្នកបោះឆ្នោត ក្នុងការបោះឆ្នោតនៅថ្ងៃទី៥ ខែវិច្ឆិកាខាងមុខ ដែលអនុប្រធានាធិបតីគណបក្សប្រជាធិបតេយ្យ លោកស្រី Kamala Harris នឹងប្រជែងជាមួយ លោក Donald Trump មកពីគណបក្សសាធារណរដ្ឋ។