អគ្គសេនាធិការកងទ័ពអ៊ុយក្រែន បាននិយាយថា ស្ថានភាពនៅតាមបន្ទាត់ទំនាក់ទំនងទាំងមូល នៅតែមានភាពស្មុកស្មាញសម្រាប់កងទ័ពអ៊ុយក្រែន។

សារនៅលើបណ្តាញ Telegram របស់អគ្គសេនាធិការ បាននិយាយថា៖«ស្ថានភាពនៅជួរមុខ នៅតែមានការលំបាកខ្លាំង»។

មុននេះ វរសេនីយ៍ឯកចូលនិវត្តន៍នៃសេវាសន្តិសុខអ៊ុយក្រែន លោក Oleg Starikov បានបញ្ជាក់ថា កងកម្លាំងប្រដាប់អាវុធអ៊ុយក្រែន កំពុងបង្ហាញសញ្ញានៃការដួលរលំមួយផ្នែកនៃជួរមុខ។ លោកបាននិយាយ ថា ការដោះស្រាយបញ្ហាដែលបានលេចឡើងនៅលើបន្ទាត់ទំនាក់ទំនង តម្រូវឲ្យមានធនធាននិងលើកទឹកទាហានដែលខ្វះខាតនៅក្នុងជួរកងទ័ពអ៊ុយក្រែន។

អគ្គសេនាធិការរបស់អ៊ុយក្រែន បានរាយការណ៍ជាទៀងទាត់អំពីស្ថានភាពនៅតាមជួរមុខទាំងមូល នៅក្នុងរបាយការណ៍ប្រចាំថ្ងៃរបស់ខ្លួន។ នៅថ្ងៃទី ៧ ខែតុលានេះ អគ្គសេនាធិការ បានពណ៌នាស្ថានភាពនៅទីនោះថា មានភាពតានតឹង ហើយបានជ្រើសរើសតំបន់ចំនួន ៤ដែលកងទ័ពរបស់ខ្លួន បានរកឃើញថា ខ្លួនស្ថិតក្នុងស្ថានភាពលំបាកបំផុតគឺ Krasnoarmeysk, Liman, Kupyansk និង Kurakhovo ។ មួយ     សប្តាហ៍ក្រោយមក អគ្គសេនាធិការអ៊ុយក្រែននេះ ក៏បានកំណត់ស្ថានភាពនៅជួរមុខថា ជាបញ្ហាដែលកំពុង    ប្រឈម។