អ្នកនាំពាក្យក្រសួងការបរទេសអ៊ីរ៉ង់ លោក អេស្មាអែល បែកហ្គេ្រអាយ (Esmaeil Baghaei) បានថ្កោលទោសយ៉ាងដាច់អហង្ការចំពោះ «ការវាយប្រហារភេរវកម្ម» ដ៏សាហាវមួយ នៅក្នុងរដ្ឋធានីអង់ការ៉ារបស់ប្រទេសទួរគី កាលពីថ្ងៃពុធ។

លោកបានធ្វើការអត្ថាធិប្បាយ នៅក្នុងសេចក្តីថ្លែងការណ៍មួយដែលបានចេញផ្សាយដោយក្រសួងកាលពីយប់ថ្ងៃពុធ ខណៈពេលដែលមានប្រតិកម្មទៅនឹងការវាយប្រហារដោយបាញ់ប្រហារ នៅក្រុមហ៊ុនឧស្សាហកម្មអាកាសចរណ៍ទួរគី(TUSAS) (TUSAS) ក្នុងទីក្រុងអង់ការ៉ា ដែលក្នុងនោះមនុស្ស ៥នាក់ បានស្លាប់ និង ២២នាក់ផ្សេងទៀត បានរងរបួស។

លោក បែកហ្គេ្រអាយ បានថ្កោលទោសគ្រប់ទម្រង់ និងការកើនឡើងនៃអំពើភេរវកម្ម ដោយបង្ហាញពីការត្រៀមខ្លួនរបស់អ៊ីរ៉ង់ ដើម្បីសហការជាមួយប្រទេសផ្សេងទៀត ជាពិសេសប្រទេសជិតខាងរបស់ខ្លួន ដើម្បីទប់ស្កាត់ និងទប់ទល់នឹង «បាតុភូតនៃអំពើភេរវកម្មប្រឆាំងមនុស្ស»។

លោកបានចូលរួមរំលែកទុក្ខដល់ក្រុមគ្រួសារជនរងគ្រោះ ក៏ដូចជារដ្ឋាភិបាល និងប្រជាជនទួរគី ដោយជូនពរដល់អ្នករងរបួស ឲ្យឆាប់ជាសះស្បើយឡើងវិញ។

អាជ្ញាធរទួរគី បាននិយាយកាលពីថ្ងៃព្រហស្បតិ៍ថា ពួកគេ បានកំណត់អត្តសញ្ញាណអ្នកវាយប្រហារពីរនាក់នៃការវាយប្រហារនេះ បុរសម្នាក់ និងស្ត្រីម្នាក់ជាសមាជិកនៃគណបក្សពលករឃើដ(PKK) ដែលគេចាត់ទុកថា ខុសច្បាប់។