​

រដ្ឋមន្ត្រីហិរញ្ញវត្ថុ មកពីក្រុមប្រទេសមានសេដ្ឋកិច្ចរីកលូតលាស់ទាំង២០ ឬ G20 បានចេញនូវទស្សនវិស័យសុទិដ្ឋិនិយមសម្រាប់សេដ្ឋកិច្ចពិភពលោក ខណៈក៏បានព្រមានប្រឆាំងការការពារនិយម ផងដែរ។ រដ្ឋមន្ត្រីហិរញ្ញវត្ថុ និងទេសាភិបាលធនាគារកណ្តាល បានបញ្ចប់កិច្ចពិភាក្សារយៈពេលពីរថ្ងៃ នៅក្នុងទីក្រុងវ៉ាស៊ីនតោន សហរដ្ឋអាមេរិក។

សហរដ្ឋអាមេរិក និងបណ្តាប្រទេសអ៊ឺរ៉ុប កំពុងផ្លាស់ប្តូរការផ្តោតការយកចិត្តទុកដាក់របស់ពួកគេ ពីការទប់ស្កាត់អតិផរណា ទៅជាការគាំទ្រសេដ្ឋកិច្ចក្រោមការកាត់បន្ថយអត្រាការប្រាក់។

មន្ត្រី ប្រទេស G20 បានព្រមព្រៀងថា ការរំពឹងទុក គឺជាការល្អប្រសើរសម្រាប់ «កំណើនយឺតនៃសេដ្ឋកិច្ចពិភពលោក»។

ប៉ុន្តែ សេចក្តីថ្លែងការណ៍ ក្រុមរដ្ឋមន្ត្រីបានកត់សម្គាល់ពីហានិភ័យធ្លាក់ចុះខ្លាំង ក្នុងពេលមានការកើនឡើងនៃភាពមិនច្បាស់លាស់។ ទាំងនេះរួមមានសង្គ្រាម និងការរាលដាលជម្លោះប្រដាប់អាវុកាន់តែរីកធំ។ កិច្ចប្រជុំនេះ ត្រូវបានធ្វើឡើងមុនការបោះឆ្នោតជ្រើសរើសប្រធានាធិបតី សហរដ្ឋអាមេរិក។ ជាក់ស្តែង អ្នកចូលរួមបានសម្តែងការព្រួយបារម្ភរបស់ពួកគេ អំពីការការពារនិយម ហួសហេតុ។

ទេសាភិបាលធនាគារកណ្តាលជប៉ុន លោក Ueda Kazuo បាននិយាយទៅកាន់អ្នកសារព័ត៌ ថា មានតម្រូវការចាំបាច់ដើម្បីតាមដានសេដ្ឋកិច្ចសហរដ្ឋអាមេរិកដោយប្រុងប្រយ័ត្ន មុនពេលវាយតម្លៃគោលនយោបាយរូបិយវត្ថុរបស់ប្រទេសលោក។ លោក ក៏ត្រូវបានគេសួរថាតើការធ្លាក់ចុះនៃតម្លៃប្រាក់យ៉េនកាលពីពេលថ្មីៗនេះ អាចប៉ះពាល់ដល់អតិផរណាក្នុងស្រុក ដែរឬទេ។

លោកបាននិយាយថា យើងនឹងវិភាគដោយប្រុងប្រយ័ត្ននូវរូបភាពទាំងមូល រួមទាំង មិនត្រឹមតែប្រាក់យ៉េនធ្លាក់ថ្លៃប៉ុណ្ណោះទេ ប៉ុន្តែថែមទាំងសេដ្ឋកិច្ច និងការបោះឆ្នោតប្រធានាធិបតីសហរដ្ឋអាមេរិកផងដែរ ដើម្បីវាយតម្លៃពីផលប៉ះពាល់ទាំងនេះ លើនិន្នាការអតិផរណារបស់ប្រទេសជប៉ុន។