សារព័ត៌មាន The Times សរសេរដោយដកស្រង់សម្តីប្រភពថា ការលេចធ្លាយព័ត៌មានសម្ងាត់របស់អាមេ  រិក បានធ្វើឲ្យអ៊ីស្រាអែលពន្យារពេលការវាយប្រហារសងសឹករបស់ខ្លួន ទៅលើប្រទេសអ៊ីរ៉ង់។ 

ប្រភពចារកម្មមួយ បាននិយាយថា៖«ការលេចធ្លាយឯកសាររបស់អាមេរិក បានពន្យារពេលការវាយប្រហារដោយសារតែតម្រូវការផ្លាស់ប្តូរយុទ្ធសាស្រ្ត និងសមាសធាតុមួយចំនួន»។នេះបើយោងតាមកាសែត The Times ។ ប្រភពនោះ បានបន្ថែមថា៖«នឹងមានការសងសឹក ប៉ុន្តែវាត្រូវប្រើពេលយូរជាងអ្វីដែលត្រូវបានគេរំពឹងទុក»។

យោងតាមរបាយការណ៍មុននេះ សហរដ្ឋអាមេរិក បានបើកការស៊ើបអង្កេតលើការលេចធ្លាយព័ត៌មានសម្ងាត់ស្តីពីការវាយប្រហារសងសឹករបស់អ៊ីស្រាអែលដែលបានគ្រោងទុក ទៅលើអ៊ីរ៉ង់។ ឯកសារសម្ងាត់ ចុះថ្ងៃទី ១៥ និង១៦ ខែតុលា ត្រូវបានចេញផ្សាយជាលើកដំបូងនៅលើបណ្តាញតេឡេក្រាម Middle East Spectator Telegram channel។ ឯកសារនេះ បញ្ជាក់យ៉ាងច្បាស់ថា មានតែសមាជិកនៃសម្ព័ន្ធភាពស៊ើបការណ៍សម្ងាត់ Five Eyes គឺអូស្ត្រាលី កាណាដា នូវែលសេឡង់ ចក្រភពអង់គ្លេស និងសហរដ្ឋអាមេ      រិកប៉ុណ្ណោះ ដែលត្រូវបានសន្មត់ថា មានសិទ្ធិទទួលបានព័ត៌មាននេះ។