នៅថ្ងៃអាទិត្យនេះអ្នកបោះឆ្នោតជប៉ុន កំពុងធ្វើដំណើរទៅបោះឆ្នោតក្នុងការបោះឆ្នោតមុនអាណត្តិ បន្ទាប់ពីមានភាពច្របូកច្របល់ប៉ុន្មានឆ្នាំសម្រាប់គណបក្សកាន់អំណាចដែលបានមើលឃើញភាពរង្គោះរង្គោះនៃរឿងអាស្រូវ ការមិនសូវខ្វល់ខ្វាយពីអ្នកបោះឆ្នោត និងអត្រាប្រជាប្រិយភាពចុះទាប។

ការបោះឆ្នោតនេះត្រូវបានប្រកាសដោយលោក Shigeru Ishiba បីថ្ងៃបន្ទាប់ពីលោកត្រូវបានជ្រើសរើសជាមេដឹកនាំនៃគណបក្សប្រជាធិបតេយ្យសេរី (LDP)កំពុងកាន់អំណាច មុនពេលស្បថចូលកាន់តំណែងជានាយករដ្ឋមន្ត្រីជាផ្លូវការ។

ការសម្រេចចិត្តនេះត្រូវបានធ្វើឡើង ទោះជាគណបក្ស LDP បានមើលឃើញថាមានការគាំទ្រក្រោម ២០% កាលពីដើមឆ្នាំនេះក៏ដោយ ដោយសារតែរឿងអាស្រូវពុករលួយនយោបាយរៃអង្គាសប្រាក់។

ប៉ុន្តែបក្ស LDP នៅតែជាគូប្រជែងខ្លាំងក្លាបំផុតទល់នឹងគណបក្សប្រឆាំងដែលបរាជ័យក្នុងការបង្រួបបង្រួម ឬបញ្ចុះបញ្ចូលអ្នកបោះឆ្នោតថាពួកគេជាជម្រើសល្អបំផុតក្នុងការគ្រប់គ្រងប្រទេស។

យ៉ាងណាក្ដី គណបក្សប្រឆាំងដ៏ធំមានអត្រាគាំទ្រត្រឹមតែ ៦,៦% ប៉ុណ្ណោះ មុនពេលសភាត្រូវបានរំលាយ៕