យុទ្ធនាការប្រកួតប្រជែងដណ្ដើមតំណែងសេតវិមានសហរដ្ឋអាមេរិកបានឈានចូលមកដល់សប្តាហ៍ចុងក្រោយហើយ។ ការបោះឆ្នោតមុនកំណត់បានចាប់ផ្តើមនៅក្នុងរដ្ឋមួយចំនួន រួមទាំងរដ្ឋមានភាពប្រទាញប្រទង់គ្នាសំខាន់ៗដូចជា រដ្ឋ អារីហ្សូណា និងចចា។

បេក្ខភាពគណបក្សធំៗពីរគឺ លោកស្រី Kamala Harris អនុប្រធានគណបក្សប្រជាធិបតេយ្យ និងលោក Donald Trump អតីតប្រធានាធិបតីមកពីគណបក្សសាធារណរដ្ឋ សម្រុកយុទ្ធនាការរៀងៗខ្លួនដ៏ស្វិតស្វាញទូទាំងប្រទេស និងការប្រមូលថវិកា ក៏ដូចជាជំរុញទឹកចិត្តអ្នកបោះឆ្នោត បោះឲ្យបក្សរបស់ខ្លួន។

លោកស្រី Kamala Harris និងលោក Donald Trump បានបង្កើនវត្តមាន និងវោហាសាស្ត្រ និងបទសម្ភាសន៍របស់ខ្លួនក្នុងពេលប៉ុន្មានថ្ងៃចុងក្រោយនៃយុទ្ធនាការប្រធានាធិបតី។

លោក Donald Trump បានដឹកនាំការជួបជុំមួយនៅឯទីលាន Madison Square Garden ទីក្រុងញូវយ៉ក កាលពីថ្ងៃអាទិត្យ ២៧តុលា ដែលបានចាប់ផ្តើមសង្គ្រាមពាក្យសម្ដីមិនសមរម្យ និងការរើសអើងជាតិសាសន៍។ 

លោកTrumpសង្ឃឹមថានឹងប្រើប្រាស់ព្រឹត្តិការណ៍នេះប្រឆាំងនឹងបេក្ខជនមកពីគណបក្សប្រជាធិបតេយ្យគឺលោកស្រី Kamala Harris ទោះបីជារដ្ឋនេះបានគាំទ្របេក្ខជនប្រធានាធិបតីមកពីគណបក្សសាធារណរដ្ឋកាលពីឆ្នាំ ១៩៨៤ក៏ដោយ។  

លោកស្រី Kamala Harris បានផ្តល់ថាមពលដល់យុវជនវ័យក្មេង និងអ្នកបោះឆ្នោតលើកដំបូងនៅក្នុងការប្រមូលផ្តុំយុទ្ធនាការមួយកាលពីថ្ងៃអាទិត្យ ២៧តុលា នៅទីក្រុង Philadelphia រដ្ឋ Pennsylvania ។លោកស្រីនិយាយលោកស្រីមិនខ្វល់ពីកិច្ចពិភាក្សារវាងលោក Donald Trump និងនាយករដ្ឋមន្ត្រីអ៊ីស្រាអែល Benjamin Netanyahu នោះទេ ហើយបានអះអាងជាថ្មីអំពីជំហររបស់ខ្លួនចំពោះជម្លោះនៅមជ្ឈិមបូព៌ា៕