នៅទីស្នាក់ការគណបក្សប្រជាជនកម្ពុជា ខេត្តព្រះវិហារ មានរៀបចំកិច្ចប្រជុំបូកសរុបលទ្ធការងាររបស់គណៈចលនាមហាជន រយៈពេល ០៩ខែ ឆ្នាំ២០២៤ ក្រោមអធិបតីភាពឯកឧត្តម គីម រិទ្ធី ប្រធានគណៈចលនាមហាជន នៃគណៈកម្មាធិការគណបក្សខេត្ត ដោយមានការចូលរួមពីសំណាក់ ឯកឧត្តម លោកជំទាវ លោក លោកស្រី អនុប្រធាន និងសមាជិកគណៈចលនាមហាជន គណៈចលនាយុវជន ក្រុមចលនាស្ត្រី គណៈចលនាអង្គការសមាគមន៍និងដៃគូអភិវឌ្ឍន៍ ព្រមទាំងសមាជិក សមាជិកា ជាច្រើនរូបទៀត។

នាឱកាសនោះ ឯកឧត្តម គីម រិទ្ធី បានថ្លែងនូវការកោតសរសើរ និងសូមថ្លែងនូវអំណរគុណចំពោះ ថ្នាក់ដឹកនាំ ព្រមទាំងសមាជិក សមាជិកា នៃគណៈចលនាមហាជនទាំងអស់ ដែលបានខិតខំ​យក​ចិត្តទុកដាក់ អនុវត្តតួនាទីភារកិច្ចរបស់ខ្លួន ក្នុងនាមជាជំនួយការរបស់គណៈកម្មាធិការគណបក្សខេត្ត ក្នុងការងារដឹកនាំចលនាមហាជន របស់គណបក្សក្នុងស្រទាប់មហាជន យុវជន ស្ត្រី កម្មករ និយោជិត អង្គការសមាគម និង ដៃគូអភិវឌ្ឍនានា ដើម្បីធានាឱ្យបាននូវប្រសិទ្ធភាព​ក្នុងការ​អនុវត្តកម្ម វិធីនយោបាយ និងគោលនយោបាយរបស់គណបក្សនៅតាមមូលដ្ឋាន ក្នុងខេត្តព្រះវិហារ។

ទន្ទឹមនេះ ចំពោះក្រុមការងារលេខាធិការដ្ឋាន សូមបន្តសហការជាមួយគណៈចលនា និង​ក្រុមចលនា​ទាំង៥ ដើម្បីតាមដានស្វែងយល់អំពីបញ្ហាប្រឈម សភាពការណ៍ និងសតិអារម្មណ៍​មហាជននៅគ្រប់មជ្ឈដ្ឋានទាំងឱ្យបានជាប់ជាប្រចាំលើការពង្រឹងសមត្ថភាព នៃការប្រើប្រាស់​ប្រព័ន្ធបច្ចេកវិទ្យា និងឌីជីថល ជាពិសេសប្រព័ន្ធបណ្តាញ ព័ត៌មានសង្គម ដែលមាន​លក្ខណៈងាយ​ស្រួល និងលឿនរហ័សក្នុងការផ្សព្វផ្សាយ និងចែកចាយបន្ត គឺមានសារៈសំខាន់​មិនគួរមើលរំលង ដើម្បីឈានទៅពង្រីកវិសាលភាព នៃការផ្សព្វផ្សាយមហាជនឱ្យកាន់តែទូលាយ​ក្នុងមជ្ឈដ្ឋាន​មហាជន ក៏ដូចជា ការប្រើប្រាស់ប្រព័ន្ធនេះ ក្នុងការពន្យល់បកស្រាយ និងឆ្លើយតបបកភ្លាមៗ លើ​ការវាយ​ប្រហារផ្សេងៗ ឱ្យមានភាពរស់រវើក និងទាន់សភាពការណ៍ ដើម្បីបព្ញ្រ្ញាាប់ឱ្យប្រជាជន​យល់ច្បាស់ អំពីភាពត្រឹមត្រូវ ការយកចិត្តទុកដាក់ខ្ពស់ និងកិច្ចខិតខំប្រែងប្រែងរបស់រាជរដ្ឋាភិបាល និងគណបក្សប្រជាជនកម្ពុជា ក្នុងការដឹកនាំ ដោះស្រាយបញ្ហាសង្គមនានា សំដៅរក្សាសន្តិភាព ស្ថិរភាពនយោបាយ និងជំរុញការអភិវឌ្ឍនៃប្រទេស ជាតិលើគ្រប់ វិស័យ៕