គណៈកម្មការអឺរ៉ុប នៅថ្ងៃអង្គារ (ទី២៩ ខែតុលា) នេះ បានឲ្យដឹងថា ខ្លួនបានបញ្ចប់ការពិភាក្សាជាមួយចក្រភពអង់គ្លេស ជុំវិញកិច្ចព្រមព្រៀងដែលនឹងអនុញ្ញាតឲ្យភាគីទាំង២ សហការដោយផ្ទាល់ ក្នុងការស៊ើបអង្កេតប្រឆាំងនឹងសេចក្ដីទុកចិត្ត។

នេះគឺជាកិច្ចព្រមព្រៀងលើកដំបូងដែលនឹងអនុញ្ញាតឲ្យអាជ្ញាធរប្រកួតប្រជែងថ្នាក់ជាតិ មកពីបណ្តាប្រទេសសហភាពអឺរ៉ុប (EU) សហការដោយផ្ទាល់ជាមួយអាជ្ញាធរប្រកួតប្រជែង នៅខាងក្រៅប្លុកនេះ។

គណៈកម្មការបាននិយាយថា កិច្ចព្រមព្រៀងដែលចូលជាធរមាន បន្ទាប់ពីទាំង EU និងអង់គ្លេស បានបញ្ចប់នីតិវិធីផ្តល់សច្ចាប័ន នឹងកំណត់ថា ការស៊ើបអង្កេតប្រឆាំងនឹងសេចក្ដីទុកចិត្ត និងរួមបញ្ចូលគ្នាសំខាន់ៗ ត្រូវបាននាំឲ្យមានការយកចិត្តទុកដាក់ ចំពោះគ្នាទៅវិញទៅមក។

កិច្ចព្រមព្រៀងនេះ ក៏នឹងអនុញ្ញាតឲ្យមានការសម្របសម្រួលនៃការស៊ើបអង្កេតនៅពេលចាំបាច់ និងកំណត់គោលការណ៍នៃកិច្ចសហប្រតិបត្តិការ ដើម្បីជៀសវាងកុំឲ្យមានជម្លោះរវាងដែនសមត្ថកិច្ច៕