សាលារៀនមួយខ្នងនៅក្នុងប្រទេសលីបង់ បានផ្តល់ក្តីសង្ឃឹមថ្មីឡើងវិញដល់កុមារជម្លៀសខ្លួនជាច្រើនដែលចង់បន្តការសិក្សារបស់ពួកគេ បន្ទាប់ពីជម្លៀសខ្លួននៅក្នុងប្រទេសកំណើតរបស់ពួកគេ និងកុមារនៅតាមតំបន់ឆ្នេរដែលមិនអាចទទួលការបណ្តុះបណ្តាលបាន ។

សលារៀន Al-Takamul ស្ថិតក្នុងទីក្រុង Misrata ផ្តល់កន្លែងសិក្សាសម្រា់បកុមារប្រហែល ៥១២នាក់ ដែលពួកគេមួយចំនួន ពុំបានចូលសាលាអស់រយៈពេលជិត ២ឆ្នាំមកហើយ ។

អ្នកស្រី Samah Mohammed បានរត់ភៀសខ្លួនចេញពីប្រទេសស៊ូដង់ជាមួយកូន ៦នាក់របស់គាត់ តាមផ្លូវខុសច្បាប់ ហើយនិងរកឃើញកន្លែងដែលគាត់អាចធ្វើការបាន និងកន្លែងសម្រាប់ឲ្យកូនៗរបស់គាត់បានសិក្សា ។

អ្នកស្រី Mohammed និយាយថា គោលដៅទី ២របស់គាត់បន្ទាប់ពីសុវត្ថិភាព គឺជាការអប់រំនេះតែម្តង ហើយគាត់សូមអរគុណព្រះដែលធ្វើឲ្យគាត់សម្រេចបានគោលដៅមួយនេះ ។

សាលារៀនផ្តល់ផងដែរការអប់រំសម្រាប់ក្មេងៗដែលមានតម្រូវការពិសេស ឬក្មេងៗដែលប៉ះពាល់អារម្មណ៍ផ្លូវចិត្តដោយសារសង្រ្គាម ។

លោកវេជ្ជបណ្ឌិត Ghaidaa Abdullah ដែលជាអ្នកជំនាញតម្រូវការអប់រំពិសេស និយាយថា មានកុមារច្រើនខ្លាំងណាស់ដែលឆ្លងកាត់អារម្មណ៍ផ្លូវចិត្តដ៏តានតឹង ដោយសារសង្រ្គាម ។ 

លោកបន្តថា ដូច្នេះហើយ ពួកយើងចាត់ផ្តើមធ្វើការលើសមាហរណកម្មសង្គម ការគាំទ្រ និងការបង្កើតជំនឿចិត្តផ្ទាល់ខ្លួនរបស់ក្មេងៗ ដើម្បីជួយពួកគេងើបឡើងវិញពីផលប៉ះពាល់ដោយសារសង្រ្គាម ៕