ប្រព័ន្ធផ្សព្វផ្សាយឥណ្ឌាបានរាយការណ៍ថា ឥណ្ឌា និងចិន បានបញ្ចប់ការដកទ័ពរបស់ពួកគេ នៅក្នុងផ្នែកនៃតំបន់ព្រំដែនដែលមានជម្លោះ។ សារព័ត៌មាន បានរាយការណ៍ព័ត៌មាននេះកាលពីថ្ងៃពុធ ដោយដកស្រង់ប្រភពព័ត៌មានពីយោធាឥណ្ឌា។

ក្រសួងការបរទេសចិន ពុំបានលើកឡើងពីការបញ្ចប់នៃការដកកងទ័ពនៅក្នុងសន្និសីទសារព័ត៌មាន នៅថ្ងៃដដែលនោះទេ។ ប៉ុន្តែ បាននិយាយថា ចិន និងឥណ្ឌា កាលពីពេលថ្មីៗនេះ បានឈានដល់សេចក្តីសម្រេច លើបញ្ហាពាក់ព័ន្ធនឹងព្រំដែន ហើយកងទ័ពព្រំដែនរបស់ពួកគេ កំពុងអនុវត្តសេចក្តីសម្រេចនេះ។

ប្រទេសទាំងពីរ មានជម្លោះជុំវិញខ្សែបន្ទាត់កំណត់ព្រំដែនដែលមិនច្បាស់លាស់ នៅព្រំដែន។

ភាគីទាំងសងខាង មានអ្នកស្លាប់ និងរងរបួសនៅទីនោះ ក្នុងអំឡុងពេលប្រយុទ្ធគ្នាក្នុងឆ្នាំ២០២០។ កាលពីសប្តាហ៍មុន ទីក្រុងប៉េកាំង និងទីក្រុងញូវឌេលី បានឈានដល់កិច្ចព្រមព្រៀងមួយ ស្តីពីការរៀបចំការយាមល្បាត។

ប្រធានាធិបតីចិន លោក Xi Jinping និងនាយករដ្ឋមន្ត្រីឥណ្ឌា លោក Narendra Modi បានជួបប្រជុំគ្នានៅប្រទេសរុស្ស៊ី កាលពីថ្ងៃពុធសប្តាហ៍មុន ដែលក្នុងអំឡុងពេលកិច្ចពិភាក្សាជាផ្លូវការលើកដំបូងក្នុងរយៈពេលប្រាំឆ្នាំមកនេះ មេដឹកនាំទាំងពីរ បានព្រមព្រៀងគ្នាក្នុងការស្វែងរកវិធីដើម្បីដោះស្រាយបញ្ហាព្រំដែន។