​

ប្រទេសកូរ៉េខាងត្បូង បានប្រកាសនៅថ្ងៃព្រហស្បតិ៍ ទី៣១ ខែតុលានេះ នូវការត្រួតពិនិត្យការនាំចេញថ្មី លើសម្ភារៈដែលត្រូវការដើម្បីផលិតមីស៊ីលឥន្ធនៈរឹង ក្នុងការរឹតបន្តឹងការផលិតមីស៊ីលបាលីស្ទីករបស់ប្រទេសកូរ៉េខាងជើង។

ក្រសួងការបរទេស បាននិយាយនៅក្នុងសេចក្តីថ្លែងការណ៍ថា ការត្រួតពិនិត្យការនាំចេញ នឹងផ្តោតលើទំនិញចំនួន១៥មុខ ដែលប្រទេសកូរ៉េខាងជើងពិបាកក្នុងការផលិតដោយខ្លួនឯង ដូចជាតួមីស៊ីល និងបំពង់ចំហេះ ហើយត្រូវបានគេរំពឹងថានឹងរឹតបន្តឹងទណ្ឌកម្ម ដែលដាក់គោលដៅលើប្រទេសកូរ៉េខាងជើង ដោយការពង្រឹងការគ្រប់គ្រងការនាំចេញជាអន្តរជាតិ ដែលមានស្រាប់។ 

ប្រទេសកូរ៉េខាងជើង បានបាញ់មីស៊ីលបាលីស្ទីកអន្តរទ្វីប (ICBM) នៅថ្ងៃព្រហស្បតិ៍នេះ ដែលយោធាកូរ៉េខាងត្បូង បានចាត់ទុកថាជា «ការបង្ករឿងដោយខុសច្បាប់ និងឥតគិតក្រែង»។

នាយសេនាធិការចម្រុះនាយកប្រតិបត្តិការរបស់ប្រទេសកូរ៉េខាងត្បូង ឧត្តមសេនីយ An Chan-myong បាននិយាយនៅថ្ងៃព្រហស្បតិ៍នេះថា «ការបាញ់មីស៊ីលបាលីស្ទីកអន្តរទ្វីប (ICBM) របស់កូរ៉េខាងជើង គឺជាទង្វើបង្ករឿង និងបំពានយ៉ាងច្បាស់លើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ។