តុលាការសិទ្ធិមនុស្សអឺរ៉ុប (ECHR) កាលពីថ្ងៃអង្គារ បានថ្កោលទោសប្រទេសកោះស៊ីប ចំពោះការបញ្ជូន ត្រឡប់ទៅកាន់ប្រទេសលីបង់វិញនូវជនភៀសខ្លួនស៊ីរីពីរនាក់ ដែលបានមកដល់លើទូកតូចមួយ ដោយមិនបានពិនិត្យមើលការទាមទារសិទ្ធិជ្រកកោនរបស់ពួកគេ។

នៅក្នុងសេចក្តីសម្រេចគួរឲ្យឈឺចាប់មួយ ECHR បាននិយាយថា ប្រទេសកោះស៊ីប បានប្រព្រឹត្តល្មើសចំនួន៤នៃអនុសញ្ញាអឺរ៉ុបស្តីពីសិទ្ធិមនុស្ស ដែលតុលាការមានមូលដ្ឋាននៅទីក្រុង Strasbourg អនុវត្តដោយការបញ្ជូនជនភៀសខ្លួនទាំងពីរនាក់ ទៅប្រទេសលីបង់វិញ។

ECHR បានបញ្ជាក់ថា អ្នកទាំងពីរ បានភៀសខ្លួនចេញពីទីក្រុង Idlib ប្រទេសស៊ីរី និងសង្រ្គាមស៊ីវិលនៅក្នុងប្រទេសកំណើតរបស់ពួកគេ ក្នុងឆ្នាំ ២០១៥៦ ដោយស្នាក់នៅក្នុងជំរំជនភៀសខ្លួន ក្នុងប្រទេសលីបង់។ នៅឆ្នាំ ២០២០ ពួកគេ បានបង់ប្រាក់ឲ្យអ្នករត់ពន្ធ ដើម្បីនាំពួកគេឆ្លងកាត់សមុទ្រមេឌីទែរ៉ាណេ ទៅ កាន់ប្រទេសកោះស៊ីប រួមជាមួយជនអន្តោប្រវេសន៍ជាង ២០នាក់ផ្សេងទៀត។

ទូកនេះ ត្រូវបានស្ទាក់ចាប់ដោយអាជ្ញាធរដែនសមុទ្រកោះស៊ីប ដែលបាននិយាយថា ពួកគេបានចូលទៅក្នុងដែនទឹកកោះរបស់ប្រទេសកោះនេះ ដោយគ្មានការអនុញ្ញាត ហើយបានត្រឡប់ទៅប្រទេសលីបង់វិញភ្លាមៗ ដែលជាកន្លែងដែលពួកគេ នៅបន្តស្នាក់នៅ។