ទូរទស្សន៍របស់ក្រុមហ៊ួទី al-Masirah TV បានរាយការណ៍ថា យន្តហោះចម្បាំងដែលជាកម្មសិទ្ធិរបស់  កងកម្លាំងចម្រុះនៃកងទ័ពជើងទឹកសហរដ្ឋអាមេរិក-អង់គ្លេស បានបើកការវាយប្រហារតាមអាកាស ទៅលើទីក្រុងកំពង់ផែសមុទ្រក្រហម Hodeidah របស់ប្រទេសយេម៉ែន នៅព្រឹកថ្ងៃព្រហស្បតិ៍នេះ។  

របាយការណ៍ បានឲ្យដឹងថា៖«ការវាយប្រហារនោះ បានត្រូវជិតសាកលវិទ្យាល័យ Hodeidah ភាគខាងត្បូងទីក្រុងនេះ»។

ពុំមានព័ត៌មានលម្អិតបន្ថែម ឬការស្លាប់បាត់បង់ជីវិត ត្រូវបានរាយការណ៍ទេ ដោយសារក្រុមឧទ្ទាមហ៊ួទី ដែលគ្រប់គ្រងភាគច្រើននៃភាគខាងជើងយេម៉ែន កម្របង្ហាញការខាតបង់របស់ខ្លួនណាស់។

អ្នកស្រុកនៃទីក្រុង Hodeidah បានប្រាប់សារព័ត៌មានស៊ីនហួថា៖«ការផ្ទុះដ៏ធំមួយ» បានធ្វើឲ្យកក្រើក   ទីក្រុងនៅមុនថ្ងៃរះ។

ទីបញ្ជាការកណ្តាលរបស់សហរដ្ឋអាមេរិក មិនទាន់ធ្វើអត្ថាធិប្បាយនៅឡើយទេ។

ចាប់តាំងពីខែវិច្ឆិកាឆ្នាំមុន ក្រុមឧទ្ទាម បាននិងកំពុងបើកការវាយប្រហារដោយរ៉ូកែត និងយានដ្រូនសំដៅទៅលើអ្វីដែលខ្លួនបានពិពណ៌នាថា ជានាវា ដែលមានទំនាក់ទំនងជាមួយអ៊ីស្រាអែល» នៅក្នុងសមុទ្រក្រហម និងឈូងសមុទ្រ Aden ដើម្បីបង្ហាញពីសាមគ្គីភាពជាមួយប៉ាឡេស្ទីន នៅក្នុងតំបន់ហ្កាហ្សា។