ជប៉ុន៖ ប្រទេសជប៉ុនបានរំលាយសភារបស់ខ្លួនកាលពីថ្ងៃព្រហស្បតិ៍ ទី១៤ ខែតុលាដោយកំណត់ដំណាក់កាលសម្រាប់ការបោះឆ្នោតសកលនៅចុងខែនេះគឺថ្ងៃទី៣១ ខែតុលា ដែលនឹងដាក់នាយករដ្ឋមន្ត្រីថ្មីលោក Fumio Kishida ប្រកួតប្រជែងជាមួយគណបក្សប្រឆាំងដែលគ្មានប្រជាប្រិយ ក្នុងការប្រយុទ្ធប្រឆាំងនឹងអ្នកណាដែលអាចដោះស្រាយបញ្ហាសេដ្ឋកិច្ច ដែលកំពុងរងការប៉ះពាល់ដោយសារជំងឺរាតត្បាតសកលនេះបានល្អជាង។
ការស្ទង់មតិមួយបង្ហាញថា លោក Kishida រីករាយនឹងការគាំទ្រជាសាធារណៈរយៈពេល ១១ថ្ងៃក្នុងតំណែងជានាយករដ្ឋមន្ត្រី ដែលអំណោយផលដល់គោលដៅរបស់លោកក្នុងការរក្សាសំឡេងភាគច្រើននៅក្នុងសភា សម្រាប់គណបក្សប្រជាធិបតេយ្យសេរីនិយម (LDP) និងដៃគូសម្ព័ន្ធគណបក្ស Komeito របស់ខ្លួន។ ការស្ទង់មតិនាពេលថ្មីៗរបស់កាសែត Sankei បានបង្ហាញថា ប្រហែល ៤៨% នៃអ្នកឆ្លើយសំណួរចង់ឱ្យរដ្ឋបាលថ្មីនេះធ្វើការដោះស្រាយវិបត្តិឆ្លងរាលដាលនៃវីរុសកូរ៉ូណាជាអាទិភាពទី១ របស់ខ្លួន ក្រោយសេដ្ឋកិច្ច និងការងារងើបឡើងវិញ។ លោក Kishida បាននិយាយនៅក្នុងសន្និសីទសារព័ត៌មានថា យើងនឹងធ្វើគ្រប់យ៉ាងតាមដែលអាចធ្វើទៅបានដើម្បីលុបបំបាត់វីរុសកូរ៉ូណា ដោយបញ្ជាក់ជាថ្មីថា រដ្ឋាភិបាលគ្រោងនឹងចាប់ផ្តើមចាក់វ៉ាក់សាំងដូសជំរុញចាប់ពីខែធ្នូទៅ ហើយសន្យាថានឹងពង្រឹងសមត្ថភាពមន្ទីរពេទ្យជប៉ុន និងសមត្ថភាពធ្វើតេស្តរបស់ខ្លួន៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
