ទីភ្នាក់ងារព័ត៌មានរ៉យទ័រ បានរាយការណ៍កាលពីថ្ងៃពុធថា ទីក្រុងប៉េកាំង បានណែនាំជាក់ស្តែងដល់ក្រុមហ៊ុនផលិតរថយន្តចិន ឲ្យបញ្ឈប់ការវិនិយោគនៅក្នុងបណ្តាប្រទេសអ៊ឺរ៉ុប ដែលគាំទ្រការដំឡើងពន្ធខ្ពស់ លើរថយន្តអគ្គិសនីរបស់ចិន។

ការព្រមាននេះ កើតឡើង បន្ទាប់ពីការរាយការណ៍កាលពីដើមខែនេះ បានរកឃើញថា ក្រុមហ៊ុនផលិតរថយន្តចិន គ្រោងនឹងបញ្ឈប់ការពង្រីកនៅអឺរ៉ុប។

នេះ គឺជាវិធានការសងសឹកលើកដំបូងដែលកើតឡើង បន្ទាប់ពីសហភាពអឺរ៉ុប បានបញ្ចប់ការដំឡើងពន្ធរហូតដល់ ៤៥% លើរថយន្តអគ្គិសនី ( EV) ដែលផលិតនៅប្រទេសចិនកាលពីថ្ងៃពុធ បន្ទាប់ពីការចរចាដែលបានគ្រោងទុករវាងទីក្រុងប្រ៊ុចសែល និងទីក្រុងប៉េកាំង ដើម្បីចៀសវាងការបង្កើនពន្ធបន្ថែម បរា ជ័យ។

ទោះជាយ៉ាងណាក៏ដោយ ទីក្រុងប៉េកាំង កំពុងប្រកាន់យកវិធីដែលមានគុណសម្បត្តិ និងគុណវិបត្ត ដែលហាក់ដូចជាផ្តល់រង្វាន់ដល់ប្រទេសដែលបានអនុប្បវាទ ឬបោះឆ្នោតជំទាស់នឹងការយកពន្ធបន្ថែមខ្ពស់លើរថយន្តអគ្គិសនី ( EV) ។ ក្នុងដំណើរទស្សនកិច្ចការទូតមួយសប្តាហ៍នេះ ប្រទេសហ្វាំងឡង់ ត្រូវបានសន្យាថា ពលរដ្ឋរបស់ខ្លួនទៅកាន់ប្រទេសចិនដោយពុំចាំបាច់មានទិដ្ឋការ និងកិច្ចសហប្រតិបត្តិការកាន់តែខ្លាំងលើថាមពលបៃតង។

ក្រុមហ៊ុនផលិតរថយន្ត EV របស់ប្រទេសចិន បានរក្សាការនាំមុខដ៏រឹងមាំនៅឆ្នាំនេះ គឺ ក្រុមហ៊ុនរថយន្ត BYD កាលពីថ្ងៃព្រហស្បតិ៍ បានរាយការណ៍ថា ប្រាក់ចំណូលបានមកពីលក់រថយន្ត Audi Q3 មានចំនួន ២៣,២ ពាន់លានដុល្លារ ជាមួយនឹងការលក់រថយន្តប្រហែល ១,១លានគ្រឿង ក្នុងរយៈពេលបីខែ ដែលលើសពីការលក់ប្រចាំត្រីមាសរបស់ក្រុមហ៊ុន Tesla ជាលើកដំបូង។ ទោះជាយ៉ាងណាក៏ដោយ សង្គ្រាមតម្លៃក្នុងស្រុករបស់ក្រុមហ៊ុនរថយន្ត BYD ជាមួយក្រុមហ៊ុនផលិតរថយន្ត EV របស់ចិនផ្សេងទៀត មានន័យថា ប្រាក់ចំណេញបានធ្លាក់ចុះ ដោយប្រាក់ចំណេញសរុបធ្លាក់ចុះប្រហែល ០,២% ក្នុងឆ្នាំនេះ បើធៀបទៅនឹងឆ្នាំមុន។