លោក Krishna Srinivasan ប្រធាននាយកដ្ឋានអាស៊ីប៉ាស៊ីហ្វិកនៃមូលនិធិរូបិយវត្ថុអន្តរជាតិ (IMF) បាននិយាយថា គោលនយោបាយថ្មីៗរបស់ប្រទេសចិន ក្នុងការជំរុញសេដ្ឋកិច្ច គឺស្ថិតនៅក្នុងទិសដៅត្រឹមត្រូវ ប៉ុន្តែចាំបាច់ត្រូវធ្វើបន្ថែមទៀត ដើម្បីស្តារឡើងវិញនូវវិស័យអចលនទ្រព្យដែលកំពុងជួបការលំបាករបស់   ខ្លួន។

ប្រទេសចិន បានប្រកាសពីការជំរុញរូបិយវត្ថុ ការគាំទ្រទីផ្សារអចលនទ្រព្យ និងវិធានការពង្រឹងទីផ្សារមូលធន ដើម្បីជំរុញកំណើនសេដ្ឋកិច្ច នៅចុងខែកញ្ញា ដែលត្រូវបានទទួលដោយការពេញចិត្តពីអ្នកវិនិយោគក្នុងស្រុក និងបរទេស។

នៅក្នុងបទសម្ភាសន៍ជាមួយបណ្តាញទូរទស្សន៍សកលចិន (CGTN) នៅទីក្រុងតូក្យូ ប្រទេសជប៉ុន កាលពីថ្ងៃសុក្រ លោក Srinivasan បាននិយាយថា វិធានការមានឥទ្ធិពលដែលបានប្រកាសដោយរដ្ឋាភិបាលចិន គឺជាការជំរុញយ៉ាងខ្លាំងបំផុតសម្រាប់ទំនុកចិត្តទីផ្សារ។

លោក Srinivasan បានថ្លែងទៀតថា៖«វិធានការទាំងអស់ដែលត្រូវបានប្រកាសដោយរដ្ឋាភិបាល មិនថាជាវិធានការរូបិយវត្ថុ ឬវិធានការផ្នែកហិរញ្ញវត្ថុ វិធានការទាំងអស់លើផ្នែកសារពើពន្ធ ព្យាយាមជួយដល់រដ្ឋាភិបាលមូលដ្ឋាន កំពុងឆ្ពោះទៅរកទិសដៅត្រឹមត្រូវ ប៉ុន្តែវាជាជំនឿរបស់យើងដែលត្រូវធ្វើបន្ថែមទៀត ដើម្បីដាក់វិស័យអចលនទ្រព្យឲ្យមានភាពរឹងមាំជាងមុន»។

មន្ត្រី IMFរូបនេះ ក៏បានបង្ហាញពីការរំពឹងទុកខ្ពស់សម្រាប់ជំនួប APEC ក្នុងឆ្នាំ២០២៥ នៅប្រទេសប៉េរូ ដែលគ្រោងនឹងប្រព្រឹត្តទៅ ចាប់ពីថ្ងៃទី ១០ ដល់ថ្ងៃទី ១៦ ខែវិច្ឆិកា។