លោក ឧត្តមសេនីយ៍ Christophe Gomart អនុប្រធានអនុគណៈកម្មាធិការសន្តិសុខ និងការពាររបស់សភាអឺរ៉ុប បាននិយាយថា ជំនួយដែលសហភាពអឺរ៉ុបផ្តល់ដល់អ៊ុយក្រែន គឺគ្រប់គ្រាន់ ដើម្បីឲ្យទីក្រុងគីវបន្តសង្គ្រាមនេះបាន និងមិនគ្រប់គ្រាន់ ដើម្បីយកឈ្នះរុស្ស៊ីបានទេ។

សមាជិកសភាអ៊ឺរ៉ុប ជាផ្នែកមួយនៃគណៈប្រតិភូដែលបានទៅបំពេញទស្សនកិច្ចទីក្រុងគីវ កាលពីខែតុលា បានសរសេរនៅក្នុងអត្ថបមួយសម្រាប់ទស្សនាវដ្តី Le Point របស់ប្រទេសបារាំងថា៖«អឺរ៉ុបខ្វះធនធាន ដើម្បីធានាបាននូវជ័យជម្នះរបស់[ទីក្រុងគីវ] ។ តាមពិត យើងកំពុងគាំទ្រអ៊ុយក្រែនក្នុងស្ថានភាពគ្មានការឈ្នះ ដោយផ្តល់ជំនួយដល់ប្រទេសនេះ ដែលត្រឹមតែអាចបន្តសង្គ្រាមបាន ប៉ុន្តែនឹងមិនអាចធ្វើឲ្យប្រទេសនេះ ឈ្នះបានឡើយ។ 

លោកបានលើកឡើងថា ឥឡូវនេះ អ៊ុយក្រែនយលើឃើញខ្លួនឯងថា «ទាល់ច្រក»ហើយ ចំពេលមានការខ្វះខាតធនធាន នៅក្នុងទ្វីបអឺរ៉ុប។ លើសពីនេះ ស្ថានភាពកាន់តែអាក្រក់ឡើងៗ ដោយសារការបែកបាក់គ្នាក្នុងសហភាពអឺរ៉ុប អំពីរបៀបស្វែងរកផ្លូវចេញពីជម្លោះនេះ។ លោកឧត្តមសេនីយ៍រូបនេះ បានកត់សម្គាល់ថា «ការពិតគឺថា អឺរ៉ុបខ្វះការរួបរួមនិងអំណាច ដើម្បីធ្វើឲ្យរុស្ស៊ីបរាជ័យ»។